आवळा देऊन कोहळा काढला! जागा देताना भाजपकडून मित्रपक्षांचा (नंबर)गेम; मोठ्या भावानं डाव टाकला

शिंदेसेनेने लोकसभा निवडणुकीनंतर आक्रमक भूमिका घेत ९० ते १०० जागा मागितल्या. तर राष्ट्रवादी काँग्रेस ६० ते ७० जागांसाठी आग्रही होती. दोन्ही पक्षांनी जाहीर केलेल्या उमेदवार याद्यांवर नजर टाकल्यास शिंदेसेनेला ७९, तर अजित पवार गटाला ५१ जागा सुटल्या आहेत. दोन्ही पक्षांना मिळून १३० जागा आहेत. पण त्यातील १५ जागांवरील उमेदवार हे भाजपचे आहेत. तिकीट मिळवण्यासाठी पक्षांतर केलेलं आहे.
Eknath Shinde: महायुतीत चाललंय काय? दादांच्या आमदारांविरोधात शिंदेंकडून उमेदवार; हेलिकॉप्टरनं धाडले AB फॉर्म
कागदावर दिसणारा पगाराचा आकडा आणि प्रत्यक्ष महिन्याकाठी बँकेत जमा होणारा पगार यात जसा फरक असतो, तशीच गत जागावाटपात शिंदेसेना आणि अजित पवार गटाची झाली आहे. शिंदेसेनेनं दिलेल्या ७९ उमेदवारांपैकी तब्बल ११ उमेदवार हे भाजपचे आहेत. त्यात शायना एनसी (मुंबादेवी), निलेश राणे (कुडाळ), मुरजी पटेल (अंधेरी पूर्व), अमोल खताळ (संगमनेर), अजित पिंगळे (धाराशिव), दिग्विजय बागल (करमाळा), विठ्ठल लंघे (नेवासा), बळीराम शिरसकर (बाळापूर), विलास तरे (बोईसर), संतोष शेट्टी (भिवंडी पूर्व), राजेंद्र गावित (पालघर) यांचा समावेश आहे.
ही काही संगीतखुर्ची नाही! भाजपचा निष्ठावंत अपक्ष लढणार; शिंदेसेनेचा ‘इम्पोर्टेड’ नेता रडारवर
भाजपनं काही नेत्यांना अजित पवारांच्या राष्ट्रवादी काँग्रेसमध्ये पाठवून त्यांनाही उमेदवार केलं आहे. लोकसभेला नांदेडमध्ये पराभूत झालेल्या माजी खासदार प्रताप पाटील चिखलीकर यांनी हातात घड्याळ बांधून घेत लोहा मतदारसंघाची उमेदवारी पदरात पाडून घेतली आहे. लोकसभेला पराजित झालेले माजी खासदार संजयकाका पाटील यांनी दादा गटात जात तासगावातून तिकीट मिळवलं आहे. भाजपचे सांगली जिल्हाध्यक्ष निशिकांत पाटील यांनी राष्ट्रवादीत जाऊन इस्लामपूरची उमेदवारी मिळवली आहे. तर माजी मंत्री राजकुमार बडोलेंनी अर्जुनी मोरगावातून तिकीट मिळवलं आहे.