फडणवीसांनी अजित पवारांना फाईल दाखवलीच कशी? दादांच्या विधानाचा धागा, ताईंकडून दोघांची कोंडी

70 हजार कोटीचा आरोप झाला तेव्हा आमचा पक्ष एक होता. त्यावेळी देवेंद्र फडणवीस यांनी हे लीड केलं होतं. फडणवीस यांनी अजित पवारांवर आरोप केला की 70 हजार कोटींचा घोटाळा झाला हे अवघ्या महाराष्ट्राने पाहिले. आर. आर. पाटलांसारख्या इमानदार आणि कर्तुत्वात माणसाला मानलं पाहिजे. विरोधी पक्षाने एक आरोप जेव्हा केला तेव्हा इन्क्वायरी ही राज्याच्या हिताची झाली पाहिजे. ज्याला कर नाही त्याला डर कसला. अजित पवार यांनी काही केलं नसेल विरोधी पक्ष सातत्याने आरोप करत असेल तर देवेंद्र फडणवीस यांचं प्रेशर आणि त्यांच्या मागणींना कदाचित अतिशय कर्तुत्वान आणि इमानदार मंत्री म्हणून आर आर पाटलांनी कदाचित ती सही केली असेल, असं सुप्रिया सुळे यांनी म्हटलं आहे.
शरद पवारांकडून भर सभेत नक्कल, अजित दादांची पहिली प्रतिक्रिया, ज्या साहेबांसाठी…
माझं म्हणणं काय आहे त्याच्यात काही तथ्यच नव्हतं. काय झालं याचे उत्तर देवेंद्र फडणवीस यांना द्यावा लागेल, कारण पहिला आरोप त्यांनी केला. आरोप आधी झाला की फाईलवर सही आधी झाली. देवेंद्र फडणवीस यांनी अजित पवारांना फाईल दाखवली तेव्हा अजित पवार विरोधी पक्षात होते, देवेंद्र फडणवीस या राज्याचे मुख्यमंत्री होते. जेव्हा तुम्ही शपथ घेता तेव्हाफाईल एकमेकांना दाखवायची ही मुभा कोणालाच नसल्याचं म्हणत सुप्रिया सुळे यांनी फडणवीसांवर निशाणा साधला.
शिंदे गटाचे नॉट रिचेबल असलेले आमदार श्रीनिवास वनगा यांच्याबाबत मोठी अपडेट
देवेंद्र फडणवीस यांना उत्तर द्यावा लागेल. तुम्ही मुख्यमंत्री असताना अजित पवारांना फाईल दाखवली कशी? ते तर तुमच्या विरोधात होते ना ? महाराष्ट्राचा मुख्यमंत्री अशा फाईल लोकांना दाखवत असेल तर हे चिंताजनक नाही का? हा विश्वासघात नाही का? या सर्वांचे उत्तर देवेंद्र फडणवीस यांना द्यावी लागेल, असंही सुप्रिया सुळे म्हणाल्या.