‘रब्बी’च्या कामांना वेग; ज्वारीच्या पेरणी आटोपल्या, गहू पेरणीसाठी शेतकऱ्यांना थंडीची प्रतीक्षा

अलीकडेच परतीच्या पावसाने जोरदार हजेरी लावल्याने खरिपातील रखडलेल्या पिकांच्या काढणीला वेग आला आहे. त्यातच ऑक्टोबरमध्ये वाढलेल्या उन्हाच्या झटक्यांमुळे जमिनीतील ओलावा काहीच कमी होऊ लागला आहे. परतीचा पाऊस झाल्याने काही ठिकाणी शेतकरी चांगलेच अडचणीत आहेत. आता रब्बी हंगामातील पिकांच्या पेरण्यासाठी पोषक वातावरण तयार झाले आहे. मात्र, आर्थिक चणचण भासत असल्याने शेतकरी कर्ज काढून रब्बीची तयारी करू लागला आहे आहे. सोयाबीनची काढणी सुरू असून ती अंतिम टप्प्यात आली आहे. नुकसानीमुळे सोयाबीन पिकाच्या उत्पादनात ५० ते ६० टक्के घट येण्याची शक्यता आहे. मका पिकाची काढणी सुरू असून भुईमूग पिकाची काढणी पूर्ण झाली आहे.
Devendra Fadnavis: राज ठाकरेंना महायुतीत वाव नाही; उपमुख्यमंत्री फडणवीस यांची स्पष्टोक्ती
रब्बी ज्वारी मका पिकांच्या पेरणी वेग आला आहे. थंडीची चाहूल लागताच रब्बीतील गहू पेरणी करण्याच्या तयारीत शेतकरी आहे. चालू वर्षी झालेल्या चांगल्या पावसामुळे गहू, हरभरा, ज्वारी पिकांची मोठ्या प्रमाणात पेरणी होण्याची शक्यता आहे. यामध्ये ज्वारी व हरभरा पिकांच्या क्षेत्रात वाढ होण्याचा अंदाज कृषी विभागाने व्यक्त केला आहे. काही शेतकऱ्यांनी ज्वारी पिकांच्या पेरण्या पूर्ण केल्या असून पेरणी झालेल्या ज्वारी उगवणीच्या व वाढीच्या अवस्थेत आहेत. मात्र गहू, हरभरा पिकांच्या पोषक वातावरण नसल्याने या पेरण्या सुरू झालेल्या नाहीत. येत्या दीड-दोन महिन्यात पेरण्या पूर्ण होण्याचा अंदाज आहे. अनेक ठिकाणी ज्वारी पेरणी संपत आली असून हरभरा पेरणी सुरू आहे. थंडी पडताच गहू पिकाची पेरणी वेग धरेल.
माघारीनंतरच राजकीय फटाके! सुहास कांदे शिवीगाळ प्रकरणावर भाष्य, नेमकं काय म्हणाले छगन भुजबळ?
रब्बीच्या पेरणीसाठी नियोजन झाले असून शेतात हरभरा, कांदा बीज, टरबुजाची लागवड करण्याची तयारी सुरू आहे. –शिवाजी बारगळ, शेतकरी, खुलताबाद