श्रीलंकेच्या नौदलाकडून 23 भारतीय मच्छिमारांना अटक, ‘हा’ मोठा आरोप

By tejpolicetimes On Nov 10, 2024

श्रीलंकेच्या नौदलाने 23 भारतीय मच्छिमारांना नेदुनथीवु जवळून अटक केली आहे. आंतरराष्ट्रीय सागरी सीमा ओलांडल्याचा आरोप त्यांच्यावर आहे. मच्छिमार हे रामेश्वरम येथून मासेमारी करण्यासाठी गेले होते. या घटनेनंतर तणाव निर्माण झाला आहे. मुख्यमंत्री एम.के. स्टालिन यांनी याआधी अशा घटनांवरून चिंता व्यक्त केली होती आणि केंद्र सरकारला यावर कारवाई करण्याची विनंती केली होती.

महाराष्ट्र टाइम्स.कॉम

indian fishermen

मुंबई : श्रीलंकेच्या नौदलाने तामिळनाडूतील रामेश्वरम येथून मासेमारी बंदरातून निघालेल्या 23 भारतीय मच्छिमारांना अटक केल्याची माहिती मिळतंय. आंतरराष्ट्रीय सागरी सीमा ओलांडल्याप्रकरणी यांना अटक करण्यात आलीये. 23 भारतीय मच्छिमार आता श्रीलंकेच्या नौदलाच्या ताब्यात आहेत. या घटनेनंतर मोठी खळबळ निर्माण झाल्याचे बघायला मिळतंय. नुकताच मिळालेल्या माहितीनुसार, हे मच्छिमार शनिवारी नेदुनथीवु येथे मासेमारी करत होते. त्यावेळीच तिथे श्रीलंकेचे नौदल पोहोचले आणि त्यांनी मच्छिमारांसह तीन बोटी देखील ताब्यात घेतल्या. अटक करण्यात आलेल्या सर्व मच्छिमारांना कांगेसंथुराई नौदल छावणीत नेण्यात आल्याची माहिती मिळतंय.

श्रीलंकेच्या नौदलाकडून अटक करण्यात आलेल्या 23 भारतीय मच्छिमारांना जाफना मत्स्यव्यवसाय विभागाच्या अधिकाऱ्यांकडे सुपूर्द करण्यात आलंय. तिथेच त्यांची चाैकशी केली जाईल. यापूर्वी 28 सप्टेंबरला 17 मच्छिमारांना श्रीलंकेकडून अटक करण्यात आली होती. यानंतर मुख्यमंत्री एम.के. स्टालिन यांनी परराष्ट्र मंत्री एस जयशंकर यांना पत्र लिहिले होते. ते मच्छिमार देखील रामेश्वरम येथून नेदुनथीवुला मासेमारी करण्यासाठी गेले होते.
‘लॉरेन्स बिश्नोई गँगकडून बोलतोय’…थेट दिली फेसबुक फ्रेंडला धमकी आणि…
एम.के. स्टालिन यांनी त्यावेळी परराष्ट्र मंत्री एस जयशंकर यांना लिहिलेल्या पत्रात म्हटले होते की, मी परत परत तेच सांगतोय की, या गंभीर समस्येचे निराकरण करणे आवश्यक आहे. एक तर समस्या सोडवा किंवा त्यावर ठोस पाऊले उचला. परिस्थितीचे गांभीर्य लक्षात घेऊन मी 27 सप्टेंबर रोजी पंतप्रधानांना सादर केलेल्या निवेदनात ही विनंतीही केली आहे, असेही त्यांनी आपल्या पत्रात म्हटले होते.

श्रीलंकेच्या नौदलाकडून 23 भारतीय मच्छिमारांना अटक, ‘हा’ मोठा आरोप, सागरी सीमा…

स्टॅलिन यांनी केंद्र सरकारला भारतीय मच्छिमारांची अटक थांबवण्यासाठी मजबूत आणि प्रभावी उपाययोजना सुरू करण्याची विनंती केली होती. आता त्यामध्येच परत श्रीलंकेच्या नौदलाकडून 23 भारतीय मच्छिमारांना अटक करण्यात आलीये. यामुळे केंद्र सरकार याविषयी काय पाऊले उचलते हे पाहण्यासारखे ठरणार आहे. 28 सप्टेंबरनंतर लगेचच परत 23 भारतीय मच्छिमारांना अटक करण्यात आलीये.

लेखकाबद्दलशितल मुंढेमहाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. राजकीय, मनोरंजन, शिक्षण आणि क्राईम बातम्यांमध्ये विशेष आवड. लोकमत आणि टीव्ही 9 मराठीसह पत्रकारिता क्षेत्रात 6 वर्षांचा अनुभव…. आणखी वाचा

Source link