Unlucky Zodiac Signs in 2025: नवीन वर्षात या ५ राशींवर येणार संकट! अडचणींचा करावा लागेल सामना, तुमची रास आहे का यात?

मिथुन राशीच्या लोकांसाठी नवीन वर्ष कठीण जाईल. कामाच्या ठिकाणी अनेक अडचणींचा सामना करावा लागू शकतो. तुमच्या ध्येयामध्ये अनेक अडथळे निर्माण होतील. आर्थिक बाबतीत अडचणी येऊ शकतात. या काळात गुंतवणूक करणे टाळा. नातेसंबंधात चढ-उतारांचा सामना करावा लागेल. कुटुंब आणि मित्रांसोबत सावधगिरी बाळगा. कौटुंबिक संबंधांबाबत निर्णय काळजीपूर्वक घ्या.

कर्क राशीसाठी येणारे वर्ष चढ-उतारांचे असेल. कौटुंबिक जीवनात तणाव वाढू शकतो. मानसिक ताण जाणवेल. वैयक्तिक आणि सामाजिक संबंधांमध्ये गोंधळ होऊ शकतो. ज्यामुळे तुम्हाला निराशेचा सामना करावा लागेल. यासोबतच नोकरीच्या क्षेत्रात अडथळे निर्माण होतील. या वर्षी तुम्हाला तुमची ऊर्जा योग्य दिशेने खर्च करावी लागेल.

धनु राशीच्या लोकांना जास्त अपेक्षा न बाळगणे योग्य राहिल. चौथ्या राशीत शनि असल्यामुळे मार्चपर्यंत शुभ परिणाम मिळणार नाही. शनिच्या प्रतिकूल प्रभावामुळे या वर्षी लोकांना करिअर, लव्ह लाइफ आणि आर्थिक परिस्थितीमध्ये काही समस्यांना सामोरे जावे लागेल. कौटुंबिक संबंध आणि आर्थिक जीवनात समस्यांचे संकट येणार आहे.

कुंभ राशीच्या अनेक क्षेत्रात संघर्ष होऊ शकतात. तुम्हाला विशेषत: काम आणि करिअरमध्ये आव्हानात्मक परिस्थितींचा सामना करावा लागू शकतो. गुरुच्या स्थितीमुळे आर्थिक स्थितीत चढउतार आणि खर्चात वाढ होऊ शकते. कोणतीही महत्त्वाची गुंतवणूक करण्यापूर्वी नीट विचार करा. तुमच्या पाचव्या भावात शुक्र असल्यामुळे तुम्हाला तुमच्या प्रेम जीवनात समस्यांना सामोरे जावे लागू शकते. कौटुंबिक वादाचाही सामना करावा लागू शकतो.

मीन राशीच्या लोकांना आरोग्य आणि कौटुंबिक जीवनात अडचणी येऊ शकतात. या काळात तुमच्या तब्येतीत चढ-उतारांचा सामना करावा लागेल. तुम्हाला मानसिक थकवा जाणवू शकतो. आर्थिकदृष्टीकोनातून हे वर्ष संमिश्र असेल. अचानक खर्चात वाढ होईल. नकारात्मकतेचा परिणाम नातेसंबंधांवरही होऊ शकतो. त्यामुळे संयम ठेवा.