माहीममध्ये ‘राज’पुत्राची वाट बिकट? सरवणकरांची थिअर उलट, मटा ऑनलाईन पोलचे धक्कादायक अंदाज

माहीमच्या रिंगणात कोण कोण?

माहीम विधानसभेच्या रिंगणात एकनाथ शिंदे यांच्या शिवसेनेकडून विद्यमान आमदार सदा सरवण पुन्हा मैदानात आहेत. तर शिवसेना (उद्धव बाळासाहेब ठाकरे) पक्षाकडून महेश सावंत महेश सावंत यांना तिकीट देण्यात आलं आहे. अमित ठाकरेंसमोर दुहेरी आव्हान असल्यामुळे या लढतीकडे संपूर्ण राज्याचं लक्ष लागून राहिलं आहे.

सरवणकरांची माघार नाही

अमित ठाकरे यांच्या विजयाचा मार्ग सुकर व्हावा, यासाठी महायुतीतून बरेच प्रयत्न झाले. भाजप नेत्यांनी सदा सरवणकरांना उमेदवारी मागे घेण्यासाठी विनंती केली, मात्र ते लढण्यावर ठाम राहिले. त्यामुळे मनसे आणि शिवसेना यांच्यात मिठाचा खडाही पडला. परंतु अमित ठाकरेंना विजयी व्हायचं असेल, तर माझी उमेदवारी गरजेची होती, अन्यथा शिवसेनेची सर्व मतं ठाकरेंच्या उमेदवाराला गेली असती, असं मत सरवणकरांनी व्यक्त केलं होतं.
Aaditya Thackeray : जेवलास का? प्रचाराच्या धामधुमीतही तिचा आवर्जून मेसेज येतो, आदित्य ठाकरेंनी सांगितलं गुपित

कोणाला किती मतं?

महाराष्ट्र टाइम्स ऑनलाईनने यूट्यूब चॅनेलवर पोल घेत युजर्सचा कौल जाणून घेण्याचा प्रयत्न केला. चार लाखांहून अधिक ऑनलाईन युजर्सनी या पोलमध्ये सहभाग नोंदवला. आकडेवारीनुसार ठाकरे गटाचे उमेदवार महेश सावंत यांना तब्बल ५२ टक्के मतदारांनी पसंती दर्शवली आहे. तर ३२ टक्के मतदारांनी अमित ठाकरे यांच्या पारड्यात मत टाकलं आहे. शिंदे गटाच्या सरवणकरांना केवळ १६ टक्के युजर्सची पसंती असून ते तिसऱ्या स्थानावर आहेत.

आकड्यांच्या भाषेत पाहायचं तर महेश सावंत यांना साधारण २ लाख १० हजारांहून अधिक ऑनलाईन युजर्सनी मतदान केलं आहे. अमित ठाकरेंच्या बाजूने १ लाख ३० हजार ऑनलाईन मतदारांनी कौल दिला आहे. तर सदा सरवणकरांना अंदाजे ६५ हजार युजर्सनी पसंती दिली आहे.

Worli Online Poll : ठाकरेंची धाकधूक वाढवणाऱ्या वरळीत कौल कुणाला? मटाच्या ऑनलाईन पोलचा अंदाज, युजर म्हणतात स्क्रीनशॉट काढून ठेवा
विशेष म्हणजे ऑनलाईन मतदार असल्यामुळे यात मतदारसंघाबाहेरील युजर्सनीही मतं नोंदवली आहेत. त्यामुळे हे आकडे प्रत्यक्ष मतदानाचे निदर्शक मानता येणार नाहीत. ही आकडेवारी फसवी असू शकते. महाराष्ट्रातील मतदार बुधवारी आपला हक्क बजावणार आहेत. त्यामुळे प्रत्यक्षात कोणाच्या बाजूने जनता कौल देणार, हे २३ नोव्हेंबर रोजी स्पष्ट होईल.