Ganesh Mantra : बुधवारी करा शक्तीशाली श्लोकाच पठण, मुलं होतील स्मार्ट, बुद्धी होईल तेज

Ganpati Mantra In Marathi :

हिंदू धर्मानुसार प्रत्येक दिवसाचे विशेष महत्त्व आहे. बुधवारचा दिवस हा बुद्धीचा देवता आणि आराध्य दैवते श्रीगणेशाला अर्पण करण्यात आला आहे. आकाशमंडलातील ग्रहांच्या नावावरुन बुद्धीच्या देवतेचा वार हा बुधवार ठरवण्यात आला.
तसे पाहायला गेले तर सगळे दिवस हे श्रीगणेशाची आराधना करण्यासाठी चांगले मानले जातात. परंतु, बुधवार हा दिवस शास्त्रानुसार गणपतीला अर्पण करण्यात आला आहे. जर मुलांचे अभ्यास मन लागत नसेल. चित्त स्थिर राहात नसेल तर श्रीगणेशाच्या मंत्रांचे मुलांकडून पठण करुन घ्यायला हवे.
बुधवारी श्रीगणेशाची पूजा केल्याने बाप्पा प्रसन्न होऊन ते आशीर्वाद देतो. तसेच अनेक इच्छा पूर्ण करतात. दर बुधवारी गणेश स्तोत्राचे पठण केल्याने जीवनातील अनेक संकटे दूर होतील तसेच प्रगती देखील होईल. जाणून घेऊया त्या श्लोकाबद्दल

साष्टांग नमन हे माझे गौरीपुत्रा विनायका |
भक्तिने स्मरता नित्य आयु:कामार्थ साधती ||१||

प्रथम नाव वक्रतुंड दुसरे एकदंत तें |
तीसरे कृष्णपिंगाक्ष चवथे गजवक्त्र तें ||२||

पाचवे श्रीलंबोदर सहावे विकट नाव तें |
सातवे विघ्नराजेंद्र आठवे धुम्रवर्ण तें ||३||

नववे श्रीभालचंद्र दहावे श्रीविनायक |
अकरावे गणपति बारावे श्रीगजानन ||४||

देवनावे अशी बारा तीनसंध्या म्हणे नर |
विघ्नभिती नसे त्याला प्रभो ! तू सर्वसिद्धिद ||५||

विद्यार्थ्याला मिळे विद्या धनार्थ्याला मिळे धन |
पुत्रार्थ्याला मिळे पुत्र मोक्षार्थ्याला मिळे गति ||६||

जपता गणपतिस्तोत्र सहामासात हे फळ|
एकवर्ष पूर्ण होता मिळे सिद्धि न संशय ||७||

नारदांनी रचिलेले झाले संपूर्ण स्तोत्र हे |
श्रीधराने मराठीत पठण्या अनुवादिले ||८||

या श्लोकात श्रीगणेशाच्या बारा रुपांची नावे उच्चारली आहेत. श्लोकाचे नियमित पठण केल्यास मुलांची बुद्धी तेज होण्यास मदत होते. तसेच श्रीगणेशाची कृपादृष्टी मुलांवर कायम राहाते.