देवगिरीवर गर्दी, मुख्यमंत्री पदासाठी कार्यकर्त्यांच्या शुभेच्छा, अजित पवारांची मिश्किल प्रतिक्रिया

मुख्यमंत्री पदाच्या खुर्चीवर आता कोण विराजमान होणार याची उत्सुकता सर्वांनाच लागली आहे. अशातच मुंबईतील देवगिरी या शासकीय निवासस्थानी अजित पवार यांना शुभेच्छा देण्यासाठी कार्यकर्त्यांची गर्दी होताना दिसली. विधानसभा निवडणुकीतील यशानंतर कार्यकर्ते आणि पदाधिकारी अजित पवारांच्या भेटीला येताहेत. यावेळी ‘बारामतीचा एकच दादा, अजित दादा’ अशा घोषणा देण्यात आल्या. याशिवाय पुण्यातील कुमार महाराष्ट्र केसरी पैलवान अक्षय संभाजीराव गरुड आणि श्री संत तुकाराम महाराज पालखी रथाचे 2024 बैल जोडीचे मानकरी पैलवान सुरज ज्ञानेश्वर खांदवे यांनीही अजित पवारांची भेट घेत बैलगाडी आणि संत तुकाराम महाराजांची मूर्ती भेट म्हणून दिली. तर काही महिला कार्यकर्त्यांनीही अजित पवारांची भेट घेतली. या लाडक्या बहिणींकडून अजित पवारांना तुळशीमाळ आणि विठ्ठलाची मूर्ती भेट म्हणून देण्यात आली. ही भेट स्वीकारताना अजित पवारांनी “रुक्मिणीला कुठे सोडली?” असं म्हणत आपल्या खास शैलीत मिश्किल प्रतिक्रिया दिली.

Source link