Vastu Shastra: वास्तूशास्त्रानुसार लादी पुसण्याचे नियम ! नकारात्मक ऊर्जा होईल दूर, सकारात्मक ऊर्जेत वाढ !

वास्तुशास्त्रानुसार घराची स्वच्छता करण्यासाठी सर्वोत्तम वेळ म्हणजे ब्रह्म मुहूर्त मानला जातो. ब्रह्म मुहूर्त म्हणजे सुर्योदयाच्या आधीची वेळ, ती आहे पहाटे ४ वाजल्यापासून साडे पाच वाजेपर्यंत. या वेळत दर लादी पुसली तर सकारात्मक ऊर्जा वाढते तसेच माता लक्ष्मी घरात कायम राहते. घरातील सर्व सदस्यांवर शुभ प्रभाव राहतो. घरातील धनसंपत्ती कधी कमी होत नाही. याप्रमाणेच सूर्योदयाच्या वेळेस किंवा त्याच्यानंतर त्वरीत लादी पुसणे चांगले मानले जाते.

लादी पुसताना नेहमी लक्षात ठेवा की सुरूवात नेहमी घराच्या मुख्य दरवाजापासून करावी त्यानंतर घरातील इतर खोल्यांमध्ये स्वच्छता करावी. विविध खोल्यांमध्ये लादी पुसताना दक्षिणावर्त दिशा ठेवावी म्हणजे नैसर्गिक ऊर्जेचा प्रवाह कायम राहतो. लादी पुसताना एक लक्षात ठेवा की सुरुवात मुख्य दरवाजापासून आणि शेवट देखील तिथेच होईल.

वास्तुशास्त्रानुसार, घरात कधीही दुपारी लादी पुसू नये. समजा असे झाले तर घरात नकारात्मक ऊर्जा येते आणि सूर्यापासून घरात येणाऱ्या ऊर्जेचा तुम्हाला काहीही लाभ होत नाही. लादी पुसण्याची सर्वोत्तम वेळ म्हणजे ब्रह्म मुहूर्त हीच आहे. दुपारी, सूर्यास्ताच्या वेळी अगदी संध्याकाळी ही लादी पुसू नये. यामुळे घरात अनवधानाने वाईट ऊर्जा येऊ शकते, जी कुटुंब सदस्यांसाठी घातक ठरु शकते.

अनेक लोक लादी पुसताना घरातील जुने किंवा वापरलेले कपडे वापरतात. जेव्हा एखादी व्यक्ती कपडे परीधान करते, तेव्हा त्याची ऊर्जा त्या कपड्यांमध्ये जाते. आता अशा कपड्यांनी तुम्ही लादी पुसली तर त्या कपड्यातील ऊर्जा नकारात्मक होते. तसेच त्या व्यक्तीला देखील त्रास होवू शकतो. म्हणून लादी पुसण्यासाठी नेहमी नवीन कापड वापरावे. तुम्ही लादी पुसण्यासाठी जे पाणी घेताल त्यात थोडं सैंधव मीठ किंवा लिंबाचा रस टाकू शकता, त्यामुळे घरातील वास्तुमध्ये सुधारणा होते तसेच नकारात्मक ऊर्जा दूर राहते.