Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Weekly Horoscope 9th to 15th December 2024 : कर्कसह ५ राशींच्या समस्या वाढतील! बोलण्यावर नियंत्रण ठेवा, कसा असेल हा आठवडा, वाचा राशीभविष्य
Weekly Horoscope 9th to 15th December 2024 : ज्योतिषशास्त्रानुसार डिसेंबरच्या दुसऱ्या आठवड्यात परिवर्तन योग तयार होणार आहे. या आठवड्यात चंद्र मेष राशीत आणि मंगळ कर्क राशीत असल्यामुळे या दोन ग्रहांचे परिवर्तन योग तयार होणार आहे. त्यामुळे या आठवड्यात काही राशींना समस्यांना सामोरे जावे लागेल. मेष ते मीन राशीपर्यंतच्या सर्व 12 राशींसाठी हा आठवडा कसा असेल ते जाणून घेऊया.
मेष – नोकरीत पदोन्नती
या आठवड्यात मेष राशीच्या जीवनातील मोठे अडथळे दूर होतील. आजारापासून सुटकरा होईल. कामाच्या ठिकाणी किंवा व्यवसायात आत्मविश्वास वाढेल. तुम्हाला वरिष्ठ आणि कनिष्ठांचे सहकार्य मिळेल. विद्यार्थ्यांसाठी हा काळ शुभ असेल. नोकरीच्या शोधात असणाऱ्या लोकांना नवीन संधी मिळतील. नोकरदार लोकांची पदोन्नती होईल. प्रेमसंबंधात तीव्रता राहिल. जोडीदारासोबत नाते घट्ट होईल. वैवाहिक जीवनात आनंदी असाल.
भाग्यशाली रंग : केशरी
भाग्यशाली अंक : 7
वृषभ – वाद होतील
वृषभ राशीच्या लोकांनी या आठवड्यात अनावश्यक वादात पडणे टाळावे. तुमचे विरोधक कामाच्या ठिकाणी सक्रिय होतील. तुमच्या ध्येयावर लक्ष केंद्रित करा. काम पूर्ण करण्यासाठी अधिक मेहनत घ्यावी लागेल. आवश्यक वस्तूंच्या खरेदीवर तुम्ही पैसे खर्च कराल. कुटुंबात वाद होऊ शकतो. तुम्हाला विनाकारण कोर्टाची पायरी चढावी लागेल. मालमत्तेशी संबंधित वाद बाहेर मिटवा. व्यवसायाशी संबंधित लोकांनी व्यवहार करताना काळजी घ्यावी. आरोग्याकडे लक्ष द्या.
भाग्यशाली रंग : जांभळा
भाग्यशाली अंक : 11
मिथुन – गुंतवणुकीतून नफा
हा आठवडा तुमच्यासाठी सुख-समृद्धी आणि यशाचा असेल. विद्यार्थ्यांना चांगली बातमी ऐकायला मिळेल. तुमची इच्छित ठिकाणी बदली होईल. बढतीची वाट पाहत असाल तर तुमच्या अनेक इच्छा पूर्ण होतील. बेरोजगारांना रोजगाराच्या संधी मिळतील. व्यवसायात गुंतवणुकीतून नफा मिळेल. नोकरीच्या ठिकाणी सहकार्य मिळेल. सरकारी योजनांचा लाभ मिळेल. वडिलोपार्जित मालमत्तेशी संबंधित वाद मिटेल. प्रेमसंबंधातील गैरसमज दूर होतील. अनावश्यक समस्यांना सामोरे जावे लागेल. जोडीदाराच्या भावनांकडे दुर्लक्ष करु नका. कामात व्यस्त राहाल. पोटाशी संबंधित समस्या उद्भवतील.
भाग्यशाली रंग : गुलाबी
भाग्यशाली अंक : 1
कर्क – वागण्यावर नियंत्रण ठेवा
या आठवड्यात वाणी आणि वागण्यावर नियंत्रण ठेवावे लागेल. सर्व प्रकारच्या समस्यांना विनाकारण सामोरे जावे लागू शकते. आठवड्याच्या सुरुवातीला कामाच्या ठिकाणी सहकाऱ्यांशी वाद होऊ शकतात. छोट्या गोष्टींना महत्त्व देऊ नका. कामाच्या ठिकाणी तुमचा गोंधळ उडेल. बदली किंवा पदोन्नतीची बातमी मिळेल. नोकरी बदलणाऱ्यांना चांगली संधी मिळेल. बोलण्यावर आणि वागण्यावर नियंत्रण ठेवा, अन्यथा काम बिघडेल. कामासाठी लांबचा प्रवास कराल. प्रेमप्रकरणात हा काळ कमी अनुकूल असेल.
भाग्यशाली रंग : लाल
भाग्यशाली अंक : 3
सिंह – अडकलेले पैसे मिळतील.
सिंह राशीसाठी हा आठवडा यश आणि सौभाग्य घेऊन आला आहे. करिअर आणि व्यवसायाच्या संदर्भात केलेला प्रवास अपेक्षित यश देईल. या काळात तुम्हाला घरातील लोकांकडून सहकार्य मिळेल. उत्पन्नाचे नवीन स्त्रोत बनतील. समाजात मान-सन्मान वाढेल. बाजारात अडकलेले पैसे मिळतील. कुटुंबासोबत फिरण्याचा प्लान कराल. मालमत्ता खरेदी करण्याची इच्छा पूर्ण होईल. जोडीदारासोबत वेळ घालवाल. वैवाहिक जीवन आनंदी राहिल. जोडीदाराकडून गिफ्ट मिळेल. आरोग्य सामान्य राहिल.
भाग्यशाली रंग : निळा
भाग्यशाली अंक : 5
कन्या – मेहनत करावी लागेल
कन्या राशीच्या लोकांसाठी हा आठवडा संमिश्र राहिल. आठवड्याच्या सुरुवातीला कामाशी संबंधित काही समस्या चिंतेचे कारण बनतील. वरिष्ठांचे सहकार्य मिळेल. लक्ष्य साध्य करण्यासाठी जास्त मेहनत करावी लागेल. नोकरीच्या शोधात असलेल्या लोकांची प्रतिक्षा वाढेल. आरोग्य आणि नातेसंबंधांवर विशेष लक्ष द्यावे लागेल. या काळात तुमची नियोजित कामे पूर्ण करण्यासाठी अडथळे निर्माण करेल. मालमत्तेशी संबंधित गोष्टी तुमच्या चिंतेचे कारण बनतील. आर्थिक नुकसान सहन करावे लागेल. तुमच्या वैयक्तित आयुष्यातील समस्या किंवा प्रेमसंबंधांकडे दुर्लक्ष करु नका. जोडीदारासोबतचे गैरसमज दूर करण्यासाठी संवाद साधा. कठीण काळात तुमचा जोडीदारा सावलीसारखा सोबत राहिल.
भाग्यशाली रंग : पांढरा
भाग्यशाली अंक : 10
तुळ – कामाचा ताण जाणवेल
तुळ राशीच्या लोकांना या आठवड्यात करिअर आणि व्यवसायाशी संबंधित काही अडचणींचा सामना करावा लागेल. या काळात तुम्हाला कामाच्या ठिकाणी सहकार्य मिळेल. कामाचा ताण जाणवेल. जोडीदारासोबतच्या वादामुळे उदास राहाल. नशिबाची तुम्हाला पूर्ण साथ मिळेल. पार्टनरशीपमध्ये तुम्हाला अपेक्षित लाभ मिळतील. व्यवसाय वाढवण्याचा विचार पूर्ण होईल. कोणताही मोठा निर्णय घेताना कुटुंबातील सदस्यांचे सहकार्य मिळेल. धार्मिक स्थळाची यात्रा शक्य आहे. प्रेमसंबंधांमध्ये तीव्रता राहिल.
भाग्यशाली रंग : काळा
भाग्यशाली अंक : 8
वृश्चिक- व्यवहारात सावध राहा
हा आठवडा तुमच्यासाठी संमिश्र राहिल. समस्यांना सामोरे जावे लागेल. कामाच्या बाबतीत आव्हाने स्विकारावी लागतील. तुमच्या बुद्धीने आणि विवेकाने त्यावर मात करण्यात यशस्वी व्हाल. विद्यार्थ्यांना कठोर परिश्रम करावे लागतील. तुम्हाला सावध राहावे लागेल. विरोधक कामात अडथळे आणतील. व्यवसायाच्या संदर्ङात लांबचा प्रवास शक्य आहे. पैशाच्या व्यवहारात सावध राहा. आर्थिक नुकसान होईल. वादामुळे प्रेमसंबंधावर परिणाम होईल.
भाग्यशाली रंग : पिवळा
भाग्यशाली अंक : 15
धनु – प्रवासातून फायदा होईल
या आठवड्यात लांबचा प्रवास करावा लागेल. कुटुंबासोबत फिरायला जाल. प्रवास आनंददायी असेल. करिअर आणि बिझनेसच्या दृष्टीने हा आठवडा शुभ ठरणार आङे. कामासाठी तुमचा सन्मान होईल. मुलांकडून काही चांगल्या बातम्या ऐकायला मिळतील. तुम्ही तुमच्या प्रिय व्यक्तीला भेटाल. नातेवाईकांसोबतचे गैरसमज दूर होतील. प्रेमसंबंधांच्या दृष्टीकोनातून हा काळ तुमच्यासाठी शुभ राहिल. जोडीदारासोबत वेळ घालवण्याची संधी मिळेल.
भाग्यशाली रंग : हिरवा
भाग्यशाली अंक : 12
मकर – ध्येयापासून दूर जाल
या आठवडयात तुम्हाला इतर गोष्टींवर लक्ष केंद्रित केल्यामुळे ध्येयापासून दूर जाल. समस्या शांतपणे सोडवाव्या लागतील. तरच यश मिळेल. मालमत्तेशी संबंधित वाद चिंतेच कारण बनतील. गरजेच्या वस्तूंवर पैसे खर्च कराल. तुमचे आर्थिक बजेट बिघडेल. नोकरी मिळवण्याचा प्रयत्न करत असाल तर थोडी प्रतीक्षा करावी लागेल. कोणत्याही योजनेत पैसे गुंतवण्यापूर्वी हितचिंतकांचा सल्ला घ्या. नोकरदार महिलांना घर आणि कामामध्ये संतुलन राखण्यात अडचणी येतील. जोडीदाराकडून पूर्ण सहकार्य मिळेल.
भाग्यशाली रंग : तपकिरी
भाग्यशाली अंक : 4
कुंभ – व्यवसायात वाढ
हा आठवडा करिअर आणि व्यवसायाच्या दृष्टीने तुमच्यासाठी शुभ ठरणार आहे. व्यवसायासाठी केलेला प्रवास फायदेशीर ठरेल. व्यवसाय वाढवण्याचा विचार करत असाल तर तुमची इच्छा पूर्ण होईल. नोकरदारांसाठी हा काळ अनुकूल राहिल. नोकरीच्या ठिकाणी वरिष्ठ तुमच्याशी दयाळूपणे वागतील. वरिष्ठांचे सहकार्य मिळेल. जीवनात प्रगतीच्या चांगल्या संधी मिळतील. नोकरी करणाऱ्यांना उत्पन्नाचे अतिरिक्त स्त्रोत मिळतील. मालमत्तेसंबंधित तुम्हाला पालकांकडून सहकार्य मिळेल. प्रेमप्रकरणाच्या दृष्टीने हा आठवडा शुभ राहिल. तुमचे प्रेम व्यक्त करण्याचा विचार करत असाल तर मुद्दा स्पष्ट होईल. प्रेमसंबंधाला घरच्यांकडून मान्यता मिळेल. वैवाहिक जीवन आनंदी राहिल.
भाग्यशाली रंग : राखाडी
भाग्यशाली अंक : 6
मीन – संधी मिळतील
हा आठवडा तुमच्यासाठी शुभ आणि यश देणारा आहे. सुरुवातीला जीवनाशी संबंधित अनेक संधी येतील. नोकरीच्या चांगल्या संधी मिळतील. राजकारणातील लोकांना इच्छित पद आणि जबाबदारी मिळेल. सत्ता आणि सरकारशी संबंधित योजनांचा लाभ मिळेल. परदेशात नोकरी करणाऱ्यांसाठी हा काळ शुभ राहिल. मालमत्तेच्या वादातील अडथळे दूर होतील. कोर्टातील निर्णय तुमच्या बाजूने लागेल. व्यवसायात अपेक्षित नफा व प्रगती दिसून येईल. आरोग्याची विशेष काळजी घ्यावी लागेल. प्रेमसंबंधात तीव्रता येईल. जोडीदारासोबत आनंदाचे क्षण घालवण्याची संधी मिळेल.
भाग्यशाली रंग : सोनरी
भाग्यशाली अंक : 14
लेखकाबद्दलकोमल दामुद्रेकोमल दामुद्रे मागच्या साडेचार वर्षांपासून डिजिटल मीडियामध्ये लिखाण करत आहे. लाईफस्टाइल, टेक, ऑटो, धार्मिक, प्रवास आणि बिझनेस क्षेत्रातील विविध विषयांवर लिखाण. मागच्या दोन वर्षांपासून धार्मिक विषयांवर लिखाण करत आहे. कालनिर्णयमध्ये संपादकीय सहाय्यक. कालनिर्णय सांस्कृतिक दिवाळी अंक, कालनिर्णय मुख्य एडिशन, कालनिर्णय आरोग्य व कालनिर्णय स्वादिष्ट यावर काम करण्याचा अनुभव. यापूर्वी कोमलने २०१९ मधील लोकसभा निवडणुकांसाठी पीआर म्हणून काम केले. कोमल ला कामाव्यतिरिक्त सोशल मीडियाच्या माध्यमातून कविता आणि लेख लिहायला आवडतात. नवीन पुस्तके आणि धार्मिक गोष्टी वाचण्यात अधिक रस…. आणखी वाचा