Tej Police Times
Vastu Showpiece for Home: प्रत्येकाची इच्छा असते आपले घर सुंदर दिसावे, प्रत्येकाने आपल्या घराचे कौतुक करावे. आपण घराची सजावट करण्यासाठी खूप सुंदर वस्तू किंवा शोपीस घेवून येतो आणि घरात ठेवतो. त्यातील काही शोपीस किंवा मूर्ती सुंदर आणि शुभ असतात पण काही नकारात्मक ऊर्जा वाढवतात. वास्तूशास्त्रात अशा काही मूर्तींबद्दल सांगितले आहे ज्या घरात ठेवणे शुभ मानले जाते. तसेच आर्थक समृद्धी घरात येते, त्या मूर्ती कोणत्या आहेत ते पाहूया.
वास्तुशास्त्रानुसार, घराच्या बांधकामापासून ते सजावटीपर्यंत सर्व काही आपल्या प्रगती, आर्थिक स्थिती आणि सुख-शांतीशी संबंधित असते. वास्तुशास्त्रात काही अशी मूर्तींबदद्ल सांगितले आहे, ज्यांना घरात ठेवणे खूप शुभ मानले जाते. या मूर्ती घरात ठेवल्या तर भाग्योदय होतो तसेच घरात सुखशांती नांदते. चला तर पाहूया कोणत्या आहेत त्या मूर्ती ज्या वास्तूशास्त्रानुसार घराची भरभराट करतात.
सुखसमृद्धी, धनसंपत्तीसाठी घरात ठेवा ही मूर्ती
वास्तुशास्त्रात हत्तीला ऐश्वर्याचा प्रतीक मानले जाते. ज्योतिषशास्त्र आणि धार्मिक मान्यतेनुसार घरात हत्तीची मूर्ती ठेवणे शुभ मानले जाते. घरात हत्तीची पितळेची किंवा चांदीची मूर्ती ठेवता येईल. वास्तुशास्त्रानुसार, बेडरूममध्ये चांदीची हत्तीची मूर्ती ठेवल्याने राहु संबंधित सर्व दोष दूर होतात आणिदांपत्य जीवनही चांगले राहते. चांदीचा हत्ती घरात ठेवल्याने सुख-शांती, धन- समृद्धी वाढते.
आर्थिक लाभासाठी घरात ठेवा ही मूर्ती
वास्तुशास्त्रानुसार, जर आपण गेस्ट रूममध्ये किंवा ज्या ठिकाणी आपले पाहुणे बसतात, तिथे हंसाची जोडी ठेवली आर्थिक लाभ वाढतो. तसेच, दांपत्य जीवनात अडचणी असल्यास बेडरूममध्ये हंसाची जोडी ठेवली तर संबंध सुधारतात आणि दोघांमधील विश्वात अधिक मजबूत होतो.
भाग्यवृद्धीसाठी घरात ठेवा ही मूर्ती
वास्तुशास्त्रानुसार, घरात कासव ठेवल्याने धनसंपत्ती वाढते आणि नशिब फळफळते. धार्मिक मान्यतानुसार, कासवाला भगवान विष्णूचा अवतार मानले जाते आणि म्हणून मान्यता आहे की ज्या ठिकाणी कासव असतो, तिथे माता लक्ष्मीचा निवास असतो. धनवृद्धीसाठी आपल्याला घराच्या ड्रॉईंग रूममध्ये पूर्व किंवा उत्तर दिशेला कासवाची स्थापना करावी. पण, ध्यानात ठेवा की कासवाचे मुख घराच्या अंतर्गत बाजूकडे असावे.
संतती सुखासाठी घरात ठेवा ही मूर्ती
हिंदू धर्मात गायीला अत्यंत पूजनीय मानले गेले आहे आणि गायीला गोमाता असे म्हणतात वास्तुशास्त्रानुसार, घरात पीतळेची गाय ठेवणे खूप शुभ मानले जाते. ज्यांना संतती प्राप्तीची इच्छा आहे, त्यांनी आपल्या बेडरूममध्ये पीतळेची गाय ठेवावी. यामुळे संतती सुख प्राप्त होते. तसेच, ज्या खोलीत मुलं अभ्यास करतात, तिथे देखील गायची मूर्ती ठेवणे शुभ मानले जाते.
नोकरी आणि व्यवसायातील फायद्यासाठी घरात ठेवा ही मूर्ती
वास्तुशास्त्र आणि फेंगशुईनुसार, घरात उंटाची मूर्ती ठेवल्याने सौभाग्य आणि समृद्धी प्राप्त होते. उंटाची मूर्ती घराच्या ड्रॉईंग रूम किंवा लिव्हिंग रूममध्ये उत्तर-पश्चिम दिशेत ठेवावी. असे केल्याने नोकरी आणि व्यवसायातील समस्या सुटतात आणि करिअरमध्ये फायदा होतो.
लेखकाबद्दलअनिता किंदळेकरअनिता किंदळेकर जवळपास १५ वर्षांपासून प्रिंट, टेलिव्हिजन आणि डिजीटल माध्यमात पत्रकार, कंटेट रायटर, एआय लँग्वेज टुटर, भाषांतरकार, ब्लॉगर, म्हणून कार्यरत आहे. बातम्यांसह विविध विषयांवर लेख लिहीणे आणि भाषांतराचा उत्तम अनुभव आहे. विशेष करुन आध्यात्मिक, धार्मिक आणि सण-वार-उत्सव यासंबंधी अचूक माहिती घेवून सोप्या भाषेत वाचकांपर्यंत पोहोचवण्यात पारंगत आहे. एआयसाठी विविध विषयांवर आधारित कन्टेन्ट तयार करणे आणि रेकॉर्डिंग केले आहे. वाचन,मेडिटेशन, योगामध्ये रुची असून कथा लेखन करायला आवडते. अनेकदा ब्लॉगच्या माध्यमातून ती आपल्या भावना व्यक्त करते…. आणखी वाचा