साऊथमधल्या प्रेक्षकांनी ‘पुष्पा २’ नाकारलं? श्रेयस तळपदे नसता तर बजेट वसूल करणंही होतं अवघड; ७ व्या दिवशी झाली इतकी कमाई

पुष्पा २च्या बॉक्स ऑफिसच्या आकड्यांवर ही चर्चा सुरू आहे. पुष्पा २ तीन दिवसांतच ५०० कोटींचा आकडा पार केला होता. यात सगळ्यात जास्त कलेक्शन हे हिंदी पुष्पा २चं आहे. तामिळ, तेलुगू, कन्नड, मल्याळम या भाषेत एकूण जिकती कमाई होतेय त्याहून अधिक कमाई हिंदी पुष्पा २मधून होत असल्याचं आकडे सांगत आहेत.

सॅक्निल्क वर उपलब्ध असलेल्या माहितीनुसार पहिल्या दिवशी तेलुगू भाषेत सिनेमानं ८० कोटींची कमाई केली होती, तर हिंदीनं ७० कोटींची. पण सातव्या दिवसांपूर्यंत हे चित्र पूर्णपणे बदलल्याचं दिसून आलं. सातव्या दिवसापर्यंत तेलुगू व्हर्जन सिनेमानं एकूण २३३ कोटींची कमाई केली.सातव्या दिवासाची कमाई ही १०.१५ कोटी इतकी होती. तर सिनेमाच्या हिंदी व्हर्जनची कमाई ही ३९८ कोटींपर्यंत पोहोचली आहे. सातव्या दिवशी हिंदी व्हर्जनची ही कमाई तेलुगूहून तीनपट जास्त म्हणजे तीस कोटी होती.

साऊथच्या चारही भाषांमधील पुष्पा २ ची कमाई पाहिली असता ही २९०.२५ कोटींच्या जवळपास आहे. तर फक्त हिंदी डब व्हर्जनची कमाई ही तब्बल ४०० कोटींच्या जवळपास आहे. या आकड्यांवरून हे पाहायला मिळतंय की, साऊथमध्ये म्हणावा तसा चालला नाहीये. सिनेमाच्या हिंदी डबला देशभरातून मोठा प्रतिसाद मिळतोय. हा सिनेमा फक्त साऊथ भाषेत प्रदर्शित झाला असता तर सिनेमातं बजेटही वसूल करता आलं नसतं, असंही अनेकांनी म्हटलंय. सिनेमाच्या हिंदी व्हर्जनमुळं पुष्पा २ ला ७०० कोटींपर्यंत पोहोचला आलं आहे.

मराठमोळ्या श्रेयस तळपदेचा मोठा वाटा
पुष्पा २ हिंदीच मोठ्या प्रमाणात हिट झाला त्याचं एक कारण आपला मराठमोळा अभिनेता श्रेयस तळपदे हा देखील आहे. त्यानं अल्लू अर्जुनसाठी हा सिनेमा डब केलाय. त्याच्या खास आणि हटके स्टाइलनं केलेलं डबिंग, मराठी शब्दांचा वापर…यामुळं महाराष्ट्रात सिनेमा उचलून धरला जातोय. त्याच्या डबिंक कौशल्याचं प्रेक्षकांनी प्रचंड कौतुक केलं आहे. त्यामुळं हिंदीच्या हिट होण्यात श्रेयसचा मोठा वाटा असल्याचं आता प्रेक्षकांनी म्हटलं आहे.