‘इंटरनॅशनल खिलाडी’ म्हणत पुष्पा राजने केली छप्परफाड कमाई; जगभरात कमावले १५०८ कोटी रुपये

पुष्पा २चं बॉक्स ऑफिस कलेक्शन

Sacnilkच्या रिपोर्टनुसार, पुष्पा 2 ने १५ व्या दिवशी १७.७५ कोटी रुपयांची कमाई केली आहे. ज्यामध्ये तेलुगूमध्ये २.७५ कोटी रुपये, हिंदीमध्ये १४ कोटी रुपये, तामिळमध्ये ८ लाख रुपये, कन्नडमध्ये १३ लाख रुपये आणि ७ लाख रुपये मल्याळम मध्ये मिळवले आहे. यानंतर या सिनेमाचं भारतातील कलेक्शन ९९० कोटी ७ लाख रुपये झालं आहे. तर जगभरातील कलेक्शन १५०८ कोटी रुपयांवर पोहोचलं आहे.
जगभरातील कलेक्शन शेअर करताना ‘पुष्पा 2: द रुल’च्या प्रोडक्शन हाऊसने लिहिले – ‘व्यावसायिक सिनेमा पुन्हा परिभाषित केलं गेलं आणि बॉक्स ऑफिसवर इतिहास रचला. #Pushpa2TheRule ने जगभरात १५०८ कोटी रुपयांची कमाई केली असून हा आकडा गाठणारा सर्वात वेगवान भारतीय चित्रपट ठरला आहे.

पुष्पा २च्या १४ दिवसांच्या दिवसांच्या कलेक्शनबद्दल बोलायचं झालं तर या सिनेमाने पहिल्या दिवशी १६४.२५ कोटी, दुसऱ्या दिवशी ९३.८ कोटी, तिसऱ्या दिवशी ११९.२५ कोटी, चौथ्या दिवशी १४१.०५ कोटी, पाचव्या दिवशी ६४.४५ कोटी, सहाव्या दिवशी ५१.५५ कोटी कमावले होते. सातव्या दिवशी ४३.३५ कोटी आणि आठव्या दिवशी ३७.४५ कोटींची कमाई केली. तर या चित्रपटाने एका आठवड्यात ७२५.८ कोटींचा व्यवसाय केला. अल्लू अर्जुनच्या पुष्पा २ने नवव्या दिवशी ३६.३ कोटी रुपये, १२व्या दिवशी २४.३५ कोटी रुपये कमावले आहेत. १४ व्या दिवशी २० कोटी ५५ लाख रुपये कमावले असून त्यानंतर दुसऱ्या आठवड्याचं कलेक्शन २६४ कोटी ९लाख रुपये आहे.