नाना पाटेकरांचा ‘वनवास’ बॉक्स ऑफिसवर हिट की फ्लॉप? तीन दिवसांत कमावला फक्त इतकाच गल्ला

नाना पाटेकरांचा वनवास सिनेम २० डिसेंबर रोजी प्रदर्शित झाला. याच दिवशी बहुचर्चीत मुफासा द लॉयन किंग हा अॅनिमेडेट सिनेमाही प्रेक्षकांच्या भेटीला आला. तर गेल्या चार आठवड्यांपासून पुष्पा २ सिनेमा बॉक्स ऑफिसवर धुमाकूळ घालतोय. या सगळ्यात वनवास सिनेमाची ओपनिंग फार निराशाजनक अशीच होती. तर विकेंडलाही सिनेमाला फार काही गल्ला जमवता आला नाहीये.

‘वनवास’ च्या कलेक्शनबद्दल बोलायचं झालं तर, सिनेमानं पहिल्या दिवशी ६० लाखांचं कलेक्शन केलं होतं. तर दुसऱ्या दिवशी सिनेमाच्या कमाईत घट झाली. दुसऱ्या दिवशीची कमाई ही ५८.३३ लाख होती. तर ता तिसऱ्या दिवसाचे आकडेही समोर आले आहेत. सॅकनिल्कच्या रिपोर्ट्सनुसार ‘वनवास’ सिनेमनं रिलीजच्या तिसऱ्य दिवशी म्हणजेच पहिल्या रविवारी १.३० कोटींची कमाई केली. तीन दिवसांत सिनेमानं २.८५कोटींची कमाई केली आहे.

पहिल्या तीन दिवसांची कमाई पाहिली असता, नानांचा ‘वनवास’ बॉक्स ऑफिसवर फ्लॉप झाला आहे. तीन दिवसांत तीन कोटींचीही कमाई न केल्यानंतर इतर सिनेमांच्य तुलनेत हा सिनेमा आता मागे पडला आहे.

ऐश्वर्या राय नेटकऱ्यांच्या निशाण्यावर, विमानतळावरील व्हिडीओ झाला व्हायरल, अभिनेत्री लेकीसोबत…
नाना पाटेकरांसोबत सिनेमात उत्कर्ष शर्मा, अश्विनी काळसेकर, स्मृती मराठे यांच्या देखील भूमिका आहेत. चित्रपट एका वृद्ध माणसाची कथा सांगतो, ज्याला त्याच्या स्वार्थी मुलांनी सोडून दिलंय. सिनेमाचं कथानक कालबाह्य असल्याच्य प्रतिक्रिया अनेकांनी दिल्या आहेत.