Virgo Horoscope 2025 : गुरु-शनिची दृष्टी! आरोग्याच्या तक्रारी वाढतील, व्यवसायात लाभ, कसे असेल कन्या राशीसाठी नवीन वर्ष

Kanya Rashifal 2025 In Marathi :

ज्योतिषशास्त्रानुसार २०२५ चे नवीन वर्ष कन्या राशीसाठी चांगले आणि अनुकूल असणार आहे. या वर्षी कन्या राशीच्या लोकांना शिक्षण, कौटुंबिक आणि करिअरमध्ये शुभ परिणाम मिळतील. १४ मे पर्यंत गुरुचे संक्रमण कन्या राशीत नवव्या भावात असणार आहे.

त्यानंतर गुरु दहाव्या स्थानात असेल. ऑक्टोबर ते ५ डिसेंबर वर्षाच्या शेवटच्या तीन महिन्यात तुम्हाला शुभ परिणाम पाहायला मिळतील. ३० मे पासून केतू कन्या राशीतून बाहेर जाईत तर राहू सहाव्या भावात प्रवेश करेल. ज्याचे परिणाम शुभ आणि सुखद असतील. नवीन वर्षात २९ मार्चपासून कन्या राशीत शनि सातव्या भावात प्रवेश करणार आहे. त्यामुळे तुम्हाला अनेक समस्यांना सामोरे जावे लागू शकते.

ग्रहांच्या संक्रमणामुळे आणि हालचालीमुळे करिअर, व्यवसाय, आरोग्य आणि प्रेम जीवनाच्या बाबतीत कन्या राशीसाठी २०२५ टे वर्ष कसे असेल. कन्या राशीच्या लोकांनी कोणते उपाय केल्याने लाभ आणि प्रगतीच्या संधी मिळतील? जाणून घेऊया २०२५ चे कन्या राशीचे वार्षिक राशीभविष्य

कन्या राशी २०२५ आरोग्य

नवीन वर्षात कन्या राशीच्या लोकांना आपल्या आरोग्याची काळजी घ्यावी लागणार आहे. एप्रिलपासून तुमच्या राशीवर शनी देवाची कृपा राहिल त्यामुळे आरोग्याच्या समस्यांचा सामना करावा लागेल. तुमच्या जुन्या समस्या अधिक तीव्र होतील. हाडे आणि मज्जातंतूंशी संबंधित समस्या निर्माण होतील. नियमितपणे योगासने करणे फायदेशीर ठरेल.

कन्या राशी २०२५ करिअर

२०२५ च्या नवीन वर्षात कन्या राशीच्या लोकांच्या करिअरमध्ये प्रगती होण्याची शक्यता आहे. या वर्षी तुम्हाला कामाच्या ठिकाणी पद आणि प्रतिष्ठेत लाभ मिळेल. मे पासून तुमच्या राशीत पदोन्नती आणि पगार वाढण्याची शक्यता आहे. नोकरीत बदलणाऱ्यांना मोठे यश मिळेल. तांत्रिक क्षेत्रात काहीतरी नवीन शिकण्याची आणि करण्याची संधी मिळेल. तुम्हाला अधिकारी आणि वरिष्ठ अधिकाऱ्यांशी समन्वय ठेवावा लागेल. कामाच्या ठिकाणी समस्या आणि गोंधळातून बाहेर पडणे सोपे होईल. व्यावसायिक लोकांना व्यवसायात चांगले उत्पन्न या वर्षी मिळेल. यंत्र, वाहन, शिक्षण, तांत्रिक क्षेत्र, व्यवस्थापन आणि प्रवास करणाऱ्यांना हे वर्ष अधिक फलदायी ठरणार आहे.

कन्या राशी २०२५ आर्थिक भविष्य

कन्या राशीच्या लोकांची या वर्षी चांगली कमाई होईल. तुम्ही या वर्षी मालमत्ता खरेदी करण्याचा विचार करत असाल तर तुम्हाला त्यात यश मिळेल. जोखमीच्या क्षेत्रात गुंतवणूक करणे टाळा. व्यवसाय किंवा घर बांधणीच्या कामासाठी कर्ज घ्यायचे असेल तर तुम्हाला त्यात यश मिळेल. घरबांधणीच्या कामांवर पैसे खर्च होतील. प्रवास आणि आरोग्याच्या कारणांमुळे या वर्षी तुम्हाला पैसे खर्च करावे लागतील.

कन्या राशी २०२५ प्रेम आणि वैवाहिक जीवन

२०२५ चे हे वर्ष कन्या राशीसाठी प्रेम आणि कौटुंबिक जीवनाच्या बाबतीत संमिश्र असेल. पहिल्या तिमाहीचा काळ कौटुंबिक जीवनासाठी अनुकूल असेल. तुमच्या प्रेमसंबंधात अधिक तीव्रता येईल. एप्रिलपासून तुमच्या नात्यात वेळोवेळी काही तणाव आणि मतभेद वाढतील. जोडीदाराच्या आरोग्याबाबत चिंतेत राहाल. काही कौटुंबिक समस्या उद्भवतील. मालमत्तेबाबात वाद होऊ शकतो. नाते फार गुंतागुंतीचे होऊ शकते. या वर्षी विवाह होण्याची शक्यता आहे.

कन्या राशी २०२५ उपाय

• कन्या राशीच्या लोकांनी या वर्षी उपाय म्हणून शनिदेवाला प्रसन्न करावे. तसेच राहू संबंधित उपाय करावा.
• दर शनिवारी पिंपळाच्या झाडाला गूळ आणि तीळ मिसळून अर्घ्य अर्पण करा.
• शनि चालीसाचे किंवा स्तोत्राचे नियमित पठण करा. तसेच घरात चंदनाची अगरबत्ती लावा.
• जर तुम्हाला रुद्राक्ष धारण करायचा असेल तर तुम्ही यावर्षी सात मुखी किंवा नऊ मुखी रुद्राक्ष धारण करू शकता.