आजचे अंकभविष्य, 30 डिसेंबर 2024: वादविवाद झाले तर अपशब्द नको ! आर्थिक चणचण टेन्शन वाढविणार ! जाणून घ्या, अंकशास्त्रानुसार तुमचे राशीभविष्य

मूलांक 1 साठी आजचा दिवस अनुकूल असून सकारात्मक विचार कामातील अडचणी दूर करतील. व्यवसायाच्या बाबतीत दिवस चांगला जाणार असून नवीन मार्ग खुले होतील. धनलाभाच्या संधी आहेत त्याचा फायदा भविष्यात होईल. कुटुंबासोबत मनोरंजनाच्या कार्यक्रमाला जाणार. लवलाइफ उत्तम असेल.

मूलांक 2 साठी आजचा दिवस चांगला असून आर्थिक बाबतीत अनुकूल आहे. मिळकतीचे नवे मार्ग खुले होतील तुम्ही लाभ घ्या. कार्यक्षेत्रात तुमचे कौतुक होणार आहे. कुटुंबाच्या बाबतीत आजचा दिवस सामान्य आहे. मित्राच्या संदर्भात वाईट बातमी मिळण्याची शक्यता आहे. मुलांकडून चांगली कामे होणार आहेत.

मूलांक 3 साठी आजचा दिवस चांगला असून तुम्ही ज्ञान आणि समज याच्या आधारावर अडचणींवर मात कराल. आर्थिक लाभाचे योग असून गुंतवणुकिचा विचार करू शकता. नोकरी करणाऱ्यांसाठी दिवस अनुकूल असून निर्णय फायद्याचे ठरतील. कुटुंबाच्या दृष्टीने दिवस उत्तम आहे. जोडीदारासोबत संबंध सुधारतील.

मूलांक 4 साठी दिवस सामान्य असून आर्थिक स्थिती ठिक असेल. मानसित तणाव वाढण्याची शक्यता आहे. कार्यक्षेत्रात वाद होतील पण ते वाद वाढणार नाही याकडे लक्ष द्या. शांत राहून आणि कटु शब्दांचा वापर न करता वागायला हवे. कुटुंबाच्या बाबतीत दिवस अनुकूल असून जोडीदारासोबत मततभेद होऊ शकतात.

मूलांक 5 साठी आजचा दिवस चांगला असून सर्व योजना यशस्वी होतील. व्यवसायासाठी वेळ उत्तम आणि मिळकतीचे नवीन मार्ग खुले होतील. धनलाभाचा योग असून त्याचा वापर योग्य पद्धतीने करा. कुटुंबात काही समस्या निर्माण होऊ शकतात. तुमचा अहंकार त्याला कारणीभूत आहे, तेव्हा शांत आणि संयम ठेवा. जोडीदारासोबत दिवस सामान्य असेल.

मूलांक 6 असलेल्यांसाठी दिवस फारसा ठिक नाही. समस्या आणि अडचणींचा सामना करावा लागेल. काही कारणामुळे कामातील संधी निसटणार आहेत. आर्थिक स्थिती ओके आहे पण नशिबाची फारशी साथ मिळणार नाही. तुम्ही घेतलेले कर्ज त्रास देणार आहे. मानसिक तणावा वाढ असून कोणाशी तरी वाद होऊ शकतो. संयम ठेवणे आणि सौम्य भाषेचा वापर महत्त्वाचा आहे. कुटुंबातील वातावरण ठिक असेल.

मूलांक 7 असणाऱ्यांसाठी दिवस अनुकूल आहे. जे लोक व्यवसाय करत आहेत त्यांच्यासाठी दिवस उत्तम आहे. व्यवसायातील वरिष्ठांशी बोलणी होतील आणि नवीन संधी मिळेल. त्याचा लाभ भविष्यात होणार आहे. नोकरी करणाऱ्यांचे कौतुक होणार आहे. थांबलेले पेमेंट मिळेल. कुटुंबाच्या दृष्टीने संमिश्र अनुभव असतील.

मूलांक 8 असणाऱ्यांसाठी दिवस सामान्य असून आर्थिक स्थिती ओके असेल. धन संपत्तीच्या बाबतीत अडचणी वाढत आहे त्यामुळे तुम्ही टेन्शनमध्ये असाल. स्वतःचा खास काळजी घ्या, कारण तुम्ही आजारी पडाल तर काम कोण करणार आणि पैसे कसे कमविणार? आहाराबद्दल विशेष लक्ष द्या, जंक फूड खाणे टाळा. कुटुंबाच्या दृष्टीने आजचा दिवस चांगला आहे.

मूलांक 9 साठी दिवस अनुकूल असून आर्थिक स्थिती उत्तम आहे. धनलाभाचे योग असून अचानक पैसे मिळू शकतात. मानसिकदृष्ट्या आनंदी राहणार आहात. व्यवसाय उन्नतीसाठी नवीन मार्ग खुले होतील. तुमच्या योजना भविष्यात आर्थिक लाभ देतील. कुटुंबाच्या सदस्यांसोबत फिरण्याचा प्लन आखणार आहात.