Tej Police Times
साप्ताहिक राशिभविष्य 17 To 23 February 2025 : गजकेसरी योग, बुधादित्य योगाचा डबल फायदा ! मेष, मकरसह या राशींसाठी धनलाभ, करिअरमध्ये प्रगती, सुखसमृद्धीचे योग!
Weekly Horoscope, 17 To 23 February 2025 : या आठवड्यात चंद्र हा तुळ, वृश्चिक आणि धनु राशीत संक्रमण करणार आहे. त्यांचा खास प्रभाव सर्व राशींवर दिसेल. या आठवड्यात बुधादित्य योग देखील निर्माण होत आहे. फेब्रुवारी महिन्याच्या या आठवड्यात ग्रह आणि संक्रमण यांची स्थिती पाहता मेषसह सिंह आणि मकर राशींसाठी हा आठवडा शुभ आहे. तुमची राशी काय सांगते. मेष ते मीन राशीपर्यंतच्या सर्व 12 राशींसाठी हा आठवडा कसा असेल ते जाणून घेऊया.
मेष – व्यवसाय पुढे नेण्याची संधी, धावपळ खूप असणार
या आठवड्यात मेष राशीच्या व्यक्तींना करिअर आणि व्यवसाय पुढे नेण्याची अनेक संधी मिळतील. हे करण्यासाठी तुम्हाला नक्कीच थोडी अधिक धावपळ करावी लागेल. आठवड्याच्या सुरुवातीला कोणत्यातरी मित्राच्या मदतीने योजनांवर काम करण्याची संधी मिळू शकते. या वेळी तुम्हाला प्रशासनाकडून लाभ मिळणार आहे. नोकरी करणाऱ्यांसाठी नवे मार्ग खुले होणार आहेत. आठवड्याला मध्यंतरीच्या काळात जमीन किंवा घर खरेदी विक्रीचा योग आहे. वाहन खरेदी करणार अशी शक्यता आहे. खर्च वाढणार आहेत पण नियोजन नीट केल तर सगळं काही ठिक होईल.कुटुंबासोबत प्रवासाचा योग आहे. लवलाइफ उत्तम असून प्रेमात सुखद अनुभव मिळतील.
आठवड्याच्या शेवटी मुलांकडून चांगली बातमी मिळणार आहे, त्यामुळे तुमचा मान- सन्मान वाढवेल.
भाग्यशाली रंग: गुलाबी
भाग्यशाली अंक: 5
वृषभ – करिअर आणि व्यवसाय पुढे नेण्याची उत्तम संधी
वृषभ राशीच्या व्यक्तींसाठी हा आठवडा उत्तम असून तुम्ही ज्या कामाच्या शोधात होतात ते तुम्हाला मिळणार आहे. तुमच्या सर्व इच्छा पूर्ण होणार असून करिअर आणि व्यवसाय पुढे नेण्यासाठी उत्तम संधी मिळेल. व्यापारात अनपेक्षित लाभाची शक्यता आहे. या आठवड्यात तुम्हाला तुमच्या तब्येतीची खास काळजी घेणे गरजेचे आहे. आहार आणि आराम याकडे कटाक्षाने लक्ष द्या. आठवड्याच्या मध्यंतरी शुभ कार्यांवर खर्च होईल. प्रियजनांना भेटण्याचा योग आहे त्यामुळे मानसिक समाधान मिळेल. लवलाइफमधील नाराजी किंवा वाद मैत्रिणीच्या मदतीने सोडविता येतील. तुमच्या प्रेमाचे विवाहात रुपांतर होण्यासाठी घरातून परवानगी मिळेल. आठवड्याच्या शेवटी सरकारी कामे मार्गी लागतील. मोठा निर्णय घेताना
कुटुंबासह मित्र परिवाराचे सहकार्य मिळेल.
भाग्यशाली रंग: काळा
भाग्यशाली अंक: 6
मिथुन – निर्णयात कुटुंबाती साथ
आठवड्याच्या सुरुवातीला पुढे जाण्याच्या अनेक संधी येतील त्याचा लाभ घ्या. रियल इस्टेट किंवा मार्केटिंग संदर्भात काम करणाऱ्यांसाठी काळ शुभ आहे. आठवड्याच्या मध्यंतरी कोणत्यातरी मंगल कार्यात सहभागी होणार आहात. कुटुंबात आनंद आणि उत्साहाचे वातावरण असेल. कोणतेही मोठे पाऊल उचलताना घरातून सगळ्यांचे सहकार्य मिळेल. परीक्षा आणि स्पर्धा परिक्षेची तयार करणाऱ्यांसाठी काळ शुभ आहे. जे लोक परदेशात काम करतात त्यांच्यासाठी वेळ अनुकूल आहे आणि त्यांना इच्छित लाभ होईल. लवलाइफ चांगली असून सुखद अनुभव येतील.आठवड्याच्या शेवटी सुख समृद्धीचे योग आहेत.
भाग्यशाली रंग: निळा
भाग्यशाली अंक: 7
कर्क – पार्टनरशीपवर गैरसमजाचे सावट
आठवड्याच्या सुरुवातीला कुटुंबातील सदस्य किंवा प्रिय व्यक्तीशी झालेल्या मतभेदामुळे तुमचं मन थोडं व्याकुल असेल. पार्टनरशिपमध्ये व्यवसाय करत असाल, तर तुमच्या पार्टनरसोबत काही गैरसमज होऊ शकतात. या काळात गोष्टी स्पष्ट करून पुढे जाणे योग्य आहे. कार्यक्षेत्रात तुमचे विरोधकही सक्रिय होतील. तुमचं काम इतर कोणालाही करायला सांगू नका, जर असे झाले तर नुकसान किंवा अपमान सहन करावा लागू शकतो. आठवड्याच्या शेवटी उत्पन्नाचे अतीरिक्त मार्ग खुले होतील. आर्थिक समस्यांमध्ये काही प्रमाणात कमी होतील. या काळात मित्र किंवा नातेवाईक तुमच्या समस्यांचे समाधान करण्यात मदत करतील. कठिण काळात जोडीदाराची साथ मिळेल.
भाग्यशाली रंग: पांढरा
भाग्यशाली अंक: 8
सिंह – धनलाभाचा योग, ऑफिसमध्ये मान-सन्मान वाढेल
हा आठवडा तुमच्यासाठी शुभ आणि भाग्याचा असेल. तुमची मोठी इच्छा पूर्ण झाल्याने कुटुंबात आनंदाचे वातावरण असेल. नोकरीच्या ठिकाणी सहकार्य मिळेल. व्यवसायाशी संबंधिक लोकांना चांगला नफा मिळेल. अडकलेले पैसे सहज मिळतील. संपत्ती वाढ होईल. नवीन मालमत्ता खरेदी करण्याचा विचार करत असाल तर इच्छा पूर्ण होऊ शकते. नोकरदार महिलांसाठी हा आठवडा भाग्यवान असेल. नोकरीतील प्रगतीमुळे कामाच्या ठिकाणी सन्मान वाढेल. गुंतवलेल्या पैशातून तुम्हाला लाभ मिळेल. प्रेमसंबंध दृढ होतील. या आठवड्यात जोडीदाराशी चांगला समन्वय साधाल. वैवाहिक जीवन आनंदी राहिल. आरोग्य ठिकठाक असेल.
भाग्यशाली रंग: लाल
भाग्यशाली अंक: 2
कन्या – कठोर मेहनत, वाणीवर नियंत्रण ठेवा
कन्या राशीच्या व्यक्तींना या आठवड्यात आपले बोलणे आणि वर्तणुकीवर नियंत्रण ठेवण्याची गरज आहे. तुमची एक छोटीशी चूक किंवा वर्तणूक तुमचे बनवलेले काम खराब करू शकते. आठवड्याच्या सुरुवातीला वरिष्ठांसह कनिष्ठांसोबतही चांगले संबंध राखणे गरजेचे आहे. या काळात तुम्हाला तुमचे कार्य पूर्ण करण्यासाठी अतिरिक्त मेहनत घ्यावी लागेल. आठवड्याच्या मध्यंतरी जोडीदारासोबत वाद होऊ शकतो. वादविवाद वाढला तर करिअर आणि व्यवसायावर परिणाम होऊ शकतो. अशा परिस्थितीत छोट्या गोष्टीवर वाद घालू नका आणि कोणत्याही गैरसमजाचे निराकरण संवादाद्वारे करा. आठवड्याच्या शेवटी तुम्हाला व्यापारानिमित्त मोठा प्रवास आहे. प्रवासात सतर्क राहा, फसवणुकिची शक्यता आहे. लवलाइफमध्ये सुखद अनुभव असतील. आठवड्याच्या शेवटी तब्येतीची काळजी घ्या आणि दिनचर्या व्यवस्थित ठेवा.
भाग्यशाली रंग: पिवळा
भाग्यशाली अंक: 4
तुळ – अती उत्साह घातक असेल
तुळ राशीच्या लोकांसाठी हा आठवडा संमिश्र असेल. या आठवड्यात या राशीच्या लोकांनी छोट्या गोष्टीवरुन उत्तेजित होणे टाळावे. कामाच्या ठिकाणी गुंतण्याचा प्रयत्न करणे टाळा. ध्येयापासून दूर जाण्याचा प्रयत्न करा. करिअर आणि व्यवसायाशी संबंधित समस्या टाळण्यासाठी लोकांसोबत काम करणे चांगले राहिल. या आठवड्यात मन थोडे विचलित होऊ शकते. या काळात तुम्हाला कौटुंबिक बाबींमध्ये निर्णय घेण्यात अडचणी येऊ शकतात. व्यवसायाशी संबंधित लोकांना आठवड्याच्या उत्तरार्धात पैशाच्या व्यवहारात सावधगिरी बाळगावी लागेल. कागदपत्रे बघून सही करा. प्रेमसंबंधात विचारपूर्वक पुढे जा. तुमच्या जोडीदाराच्या भावनांकडे दुर्लक्ष करणे टाळा. वैवाहिक जीवनातील जोडीदाराचे आरोग्य चिंतेचा विषय बनू शकते. खाण्यापिण्याच्या सवयींकडे लक्ष द्या
भाग्यशाली रंग: जांभळा
भाग्यशाली अंक: 1
वृश्चिक – शॉर्टकटचा वापर करू नका
हा आठवडा वृश्चिक राशीच्या लोकांसाठी अनुकूल असेल. शॉर्टकटचा अवलंब करणे टाळावे लागेल, अन्यथा चालू असलेले कामही बिघडू शकते. कोणतीही योजना प्रत्यक्षात आणण्यासाठी, सरळ मार्गाचा अवलंब करा. केवळ आपल्या मेहनत आणि प्रयत्नांवर अवलंबून रहा. जुनाट आजारापासून सावध राहा. व्यवसाय करत असाल तर फायदा होईल. तुम्हाला पूर्वी काही योजना किंवा व्यवसायात गुंतवलेल्या पैशाचे फायदे मिळू शकतात. लव्ह पार्टनरच्या भावनांकडे दुर्लक्ष करणं टाळा. तुमच्या जोडीदारासोबत धार्मिक स्थळाला जाण्याची शक्यता आहे.
भाग्यशाली रंग: हिरवा
भाग्यशाली अंक: 3
धनु – नोकरीत बढतीचे योग
धनु राशीच्या जातकांसाठी हा आठवडा तुमच्यासाठी शुभ राहिल. करिअर आणि व्यवसायाशी संबंधित काही चांगली बातमी मिळू शकते. यामुळे तुमच्या कुटुंबात आनंदाचे वातावरण असेल. नोकरी करत असाल तर तुम्हाला पदोन्नती मिळू शकते. व्यापारी असाल तर तुम्हाला तुमच्या व्यवसायात चांगला नफा मिळू शकतो. अडकलेला पैसा अनपेक्षितपणे मिळेल. जमीन किंवा मालमत्तेची खरेदी-विक्री किंवा वडिलोपार्जित मालमत्ता मिळवून मोठे लाभ मिळू शकतात. मुलांच्या कर्तृत्वामुळे तुमचा आदर आणि सन्मान वाढेल. आरोग्य सामान्य राहील. प्रेमसंबंधांमध्ये तीव्रता राहील. या आठवड्यात तुम्हाला तुमच्या प्रिय जोडीदारासोबत वेळ घालवण्याची संधी मिळेल. एकमेकांना समजून घेण्यासाठी वेळ खूप अनुकूल आहे. वैवाहिक जीवन आनंदी राहील. कुटुंबासोबत आनंदात वेळ घालवाल.
भाग्यशाली रंग: आकाशी
भाग्यशाली अंक: 9
मकर – मेहनतीचे उत्तम फळ मिळेल
मकर राशीचे जातक जर एखाद्या गोष्टीवर चिंता करत असतील तर समस्येचे निराकरण होईल. करियर आणि व्यवसायातील चिंता दूर होईल आणि नोकरी करणाऱ्यांना त्यांच्या सीनियर्स आणि जूनियर्स दोघांकडूनही अपेक्षित सहकार्य मिळेल. तुम्ही जी काही मेहनत घेतली आहे त्याचे उत्तम फळ मिळणार आहे. आठवड्याच्या मध्यंतरी जोडीदाराला खूप मोठं यश मिळेल. अविवाहित व्यक्तींचं लग्न ठरू शकतं. मालमत्ता, संपत्ती याबद्दल वाद असतील तर निर्णय तुमच्या बाजूने लागेल. विरोधक काहीही करु शकणार नाहीत. तुम्ही समजुतीने वागल्यास तुम्हाला आर्थिक लाभ मिळेल. कोणत्याही दुसऱ्या व्यक्तीच्या प्रभावाने चुकीचं पाऊल उचलण्यापासून स्वतःचा बचाव करा, अन्यथा दुष्परिणाम होऊ शकतो. सुख-सुविधेसाठी अधिक पैसे खर्च करणार आहात. तुमच्या प्रेम संबंधांचे रुपांतर विवाहात होईल. आठवड्याच्या शेवटी कुटुंबाचे सहकार्य तुम्हाला मिळेल त्यामुळे कामे पटापट मार्गी लागतील.
भाग्यशाली रंग: तपकिरी
भाग्यशाली अंक: 11
कुंभ – घाई घाईत निर्णण घेणे टाळावे
कुंभ राशीच्या जातकांसाठी हा आठवडा मागील आठवड्यापेक्षा चांगला असेल. आठवड्याच्या सुरुवातीला तुमच्या महत्वाच्या कामात यशस्वी व्हाल आणि मानसिक समाधान मिळेल. या आठवड्यात भावना आणि गोंधळात निर्णय घेणे टाळावे. कामाच्या ठिकाणी तुमचे काम इतरांना देणे टाळा. आठवड्याच्या मध्यंतरी बॉसच्या रोषाला सामोरे जावे लागू शकते. काम अधिक चांगले करण्यासाठी ताण घेणे टाळा. आरोग्याशी संबंधित शारीरिक आणि मानसिक त्रासाचे कारण बनेल. आपल्या आहाराची आणि दैनंदिन दिनचर्याकडे लक्ष द्या. काळजीपूर्वक वाहन चालवा. घरगुती समस्यांमुळे चिंतेत राहाल. वडिलोपार्जित संपत्तीबाबत वाद वाढू शकतात. आठवड्याच्या शेवटी अत्यंत हुशारीने आणि जबाबदारीने पावले उचलावी लागतील.
भाग्यशाली रंग: जांभळा
भाग्यशाली अंक: 15
मीन – कामात समतोल ठेवा, व्यवसायात थोड्या अडचणी
मीन राशीच्या जातकांनी छोट्या छोट्या गोष्टीकडे लक्ष देण्याऐवजी ध्येयावर लक्ष केंद्रित करा. विशेषतः कार्यक्षेत्रात तुम्हाला याच गोष्टींचा विचार करावा लागेल कारण तुमचे प्रतिस्पर्धी तुम्हाला तुमच्या ध्येयापासून दूर नेण्याचा प्रयत्न करता आहेत. यामुळे तुमच्या आनंदावर परिणाम होऊ शकतो. घरातील समस्यांना ऑफिस आणि ऑफिसच्या समस्यांना घरात नेण्यापासून स्वतःचा बचाव करा. आठवड्याच्या मध्यंतरी करियर आणि व्यवसायातील प्रगतीसाठी काही अडचणी येऊ शकतात. बाजारातील अडकलेल्या पैशामुळे तुमचं मन चिंतित होईल. पैशांच्या व्यवहारात विशेष काळजी घ्या. कार्यस्थळी अचानक नवीन जबाबदारी मिळवण्यामुळे मन विचलीत होईल पण सकारात्मक विचार करा. प्रेम संबंधांत तुम्हाला प्रत्येक पाऊल समजून टाकणे गरजेचे आहे. आठवड्याच्या शेवटी कोणताही निर्णय समजून आणि हुशारीने घ्या.
भाग्यशाली रंग: सोनेरी
भाग्यशाली अंक: 12
लेखकाबद्दलअनिता किंदळेकरअनिता किंदळेकर जवळपास १५ वर्षांपासून प्रिंट, टेलिव्हिजन आणि डिजीटल माध्यमात पत्रकार, कंटेट रायटर, एआय लँग्वेज टुटर, भाषांतरकार, ब्लॉगर, म्हणून कार्यरत आहे. बातम्यांसह विविध विषयांवर लेख लिहीणे आणि भाषांतराचा उत्तम अनुभव आहे. विशेष करुन आध्यात्मिक, धार्मिक आणि सण-वार-उत्सव यासंबंधी अचूक माहिती घेवून सोप्या भाषेत वाचकांपर्यंत पोहोचवण्यात पारंगत आहे. एआयसाठी विविध विषयांवर आधारित कन्टेन्ट तयार करणे आणि रेकॉर्डिंग केले आहे. वाचन,मेडिटेशन, योगामध्ये रुची असून कथा लेखन करायला आवडते. अनेकदा ब्लॉगच्या माध्यमातून ती आपल्या भावना व्यक्त करते.… आणखी वाचा