'छावा' सिनेमाने बॉक्स ऑफिसवर उधळला गुलाल; रचणार इतिहास, २८व्या दिवशी केली इतक्या कोटींची कमाई

विकी कौशलच्या या चित्रपटाने ३३ कोटींची कमाई केली होती, परंतु पहिल्या आठवड्यात त्याने देशांतर्गत बॉक्स ऑफिसवर एकूण २१९.२५ कोटींचा व्यवसाय केला. यानंतर, दुसऱ्या आठवड्यात ‘छावा’ने १८०.२५ कोटी रुपयांपर्यंत कमाई केली होती. तिसऱ्या आठवड्यात चित्रपटाने एकूण ८४.०५ कोटी रुपये कमावले. आता या चित्रपटाने चौथा आठवडाही ओलांडला आहे.

सॅकनिल्कच्या रिपोर्टनुसार, सुरुवातीच्या आकडेवारीनुसार, छावाचं कलेक्शन देशांतर्गत बॉक्स ऑफिसवर वाढण्याऐवजी किंचित कमी झालं आहे. बुधवारी, २७ व्या दिवशी एकाच दिवसात अंदाजे ५.५ कोटी रुपये कमावणाऱ्या या चित्रपटाने होळीच्या सुट्टीत गुरुवारी एका दिवसात ३.९६ कोटी रुपयांचा व्यवसाय केला आहे. मात्र, हे चित्रपटाच्या सुरुवातीच्या कलेक्शनचे आकडे आहेत, जे सकाळपर्यंत बरेच चढ-उतार होऊ शकतात.
Kunickaa Sadanand : ‘त्याने मला चार तास मारहाण केली..’ सुप्रसिद्ध अभिनेत्रीने सांगितला तो हृदयद्रावक प्रसंग
हिंदी भाषेतील चित्रपटाची उत्कृष्ट कमाई पाहून, दिनेश विजन आणि लक्ष्मण उतेकर यांनी हा चित्रपट दक्षिणेकडील प्रेक्षकांसाठीही प्रदर्शित केला. विकी कौशलचा ‘छावा’ हा चित्रपट ७ मार्च रोजी तेलुगू भाषेतही प्रदर्शित झाला. विशेष म्हणजे छावाचा तिथेही परफॉर्मन्स चांगला आहे. अवघ्या सहा दिवसांत या चित्रपटाने तिथे ११.१५ कोटी रुपयांचा व्यवसाय केला आहे.
Shubhangi Gokhale : ‘त्याला बघून खूप राग येतो…’ ‘छावा’ सिनेमातील सुव्रतच्या भूमिकेवर शुभांगी गोखलेंची प्रतिक्रिया
अल्पावधीत ५०० कोटींपेक्षा जास्त कमाई करणाऱ्या ‘छावा’ने २८ दिवसांत एकूण ५३६.१ कोटी रुपये कमावले आहेत. आता हा चित्रपट लवकरच ५५० कोटींच्या क्लबमध्ये सामील होण्यास सज्ज आहे. आता चित्रपटाचे कलेक्शन ज्या पद्धतीने वाढत आहे ते पाहता असे दिसतंय की, हा चित्रपट रणबीर कपूरच्या ब्लॉकबस्टर अ‍ॅनिमलला मागे टाकेल आणि टॉप ३ चित्रपटांमध्ये आपलं स्थान निर्माण करेल.