तेज पोलीस टाइम्स | पोलीस आणि जनतेचा आवाज

सूरज चव्हाणच्या ‘झापुक झुपूक’ने पुन्हा मारली बाजी; ‘देवमाणूस’ला दुसऱ्या दिवशीही पछाडलं

0 230

Zapuk Zupuk Vs Devmanus Box Office Collection Day 2: अलीकडेच रीलिज झालेल्या ‘झापुक झुपूक’ आणि ‘देवमाणूस’ या सिनेमांची किती झाली कमाई?

हायलाइट्स:

  • मराठी सिनेमांचे बॉक्स ऑफिस कलेक्शन
  • ‘झापुक झुपूक’ने मारली बाजी
  • ‘देवमाणूस’चे किती झाले कलेक्शन?
(फोटोमहाराष्ट्र टाइम्स.कॉम)

मुंबई: एप्रिल महिन्यात नव्याने रीलिज झालेल्या सिनेमांची स्पर्धा बॉक्स ऑफिसवर पाहायला मिळते आहे. अलीकडेच 25 एप्रिल रोजी मराठी फिल्म इंडस्ट्रीतील दोन सिनेमे रीलिज झाले. केदार शिंदे दिग्दर्शित ‘झापुक झुपूक’ आणि तेजस देऊस्कर दिग्दर्शित ‘देवमाणूस’ हे चित्रपट गेल्या आठवड्यातील शुक्रवारी रीलिज झाले आहेत. पहिल्या दोन दिवसात या चित्रपटांनी कोट्यवधींचा आकडा गाठला नसला तरी, Zapuk Zupuk चे पारडे Devmanus पेक्षा जड ठरल्याचे दिसून आले.

‘बिग बॉस मराठी पर्व 5’चा विजेता सूरज चव्हाणची मुख्य भूमिका असणाऱ्या ‘झापुक झुपूक’ सिनेमाने पहिल्या दोन दिवसात, भारतात 54 लाखांचे ग्रॉस कलेक्शन केले. या सिनेमाचे नेट कमाई 48 लाखांची आहे.

‘झापुक झुपूक’ची दोन दिवसांची कमाई

पहिला दिवस, शुक्रवार (25 एप्रिल)- 24 लाख रुपये
दुसरा दिवस, शनिवार (26 एप्रिल)- 24 लाख रुपये
एकूण कमाई- 48 लाख रुपये

तर दुसरीकडे महेश मांजरेकर-रेणुका शहाणे यांची मुख्य भूमिका असणाऱ्या ‘देवमाणूस’ सिनेमाचे भारतात ग्रॉस कलेक्शन 37 लाखांचे आहे, तर नेट कमाई 33 लाख रुपये आहे. काहीशा फरकाने केदार शिंदेंचा सिनेमा तेजस देऊस्करच्या सिनेमापेक्षा वरचढ ठरल्याचे चित्र बॉक्स ऑफिसवर पाहायला मिळाले. Sacnilk ने ही आकडेवारी दिली आहे.

महिपतचे कांड पोहोचले दामिनीपर्यंत, सुतासारखं केलं सरळ! तर मायलेकींमुळे सुभेदारांच्या घरात आनंद

‘देवमाणूस’ची दोन दिवसांची कमाई

पहिला दिवस, शुक्रवार (25 एप्रिल)- 14 लाख रुपये
दुसरा दिवस, शनिवार (26 एप्रिल)- 19 लाख रुपये
एकूण कमाई- 33 लाख रुपये

इतर मराठी सिनेमांची कमाई

याशिवाय याआधी 18 एप्रिल रोजी ‘सुशीला-सुजीत’ आणि ‘संत ज्ञानेश्वरांची मुक्ताई’ हे चित्रपट रीलिज झाले. या सिनेमांची आतापर्यंतची नेट कमाई अनुक्रमे 55 लाख आणि 64 लाख रुपये अशी आहे.

सध्या बॉक्स ऑफिसवर ‘केसरी चॅप्टर 2’, ‘जाट’, ‘गुड बॅड अग्ली’ या बॉलिवूड आणि दाक्षिणात्य सिनेमांचा बोलबाला आहे. याशिवाय 25 तारखेलाच ‘ग्राउंड झीरो’ आणि ‘थुडरुम’ हे सिनेमेही प्रदर्शित झाले. बॉक्स ऑफिसवर या सिनेमांची स्पर्धा असल्याने मराठी चित्रपट काहीसे मागे पडल्याचे चित्र पाहायला मिळाले.

जान्हवी भाटकर

लेखकाबद्दलजान्हवी भाटकरजान्हवी भाटकर, महाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. डिजिटल आणि टेलिव्हिजन मीडियामध्ये ५ वर्षांचा अनुभव. ‘न्यूज १८ लोकमत’मधून डिजिटल मीडियामध्ये काम करण्यास सुरुवात. ऑनलाइन माध्यमांमध्ये ३ वर्ष कार्यरत. मनोरंजन, लाइफस्टाइल आणि अर्थ विषयात आवड.आणखी वाचा

Source link

Leave A Reply

Your email address will not be published.