Tej Police Times
Friday Astro Remedy : दर शुक्रवारी फक्त एवढंच करा, लक्ष्मी कृपेने सर्व अडथळे झटपट दूर होतील
शुक्रवारी हा चमत्कारिक पाठ करा
ज्योतिष शास्त्रानुसार, शुक्रवारी लक्ष्मी देवीला प्रसन्न करण्यासाठी प्रथम लक्ष्मीची पूजा करा आणि त्यानंतर लक्ष्मी स्तोत्र, श्री सूक्त किंवा कनकधारा स्तोत्राचे पठण करा. धनसंचय करण्यासाठी लक्ष्मीच्या या चमत्कारिक पठणामुळे चांगले लाभ मिळतात. पैशाच्या कमतरतेवर मात करण्यासाठी हा सर्वात शक्तिशाली उपाय मानला जातो. यासोबतच लक्ष्मी मातेचा आशीर्वाद प्राप्त होतो आणि जीवनात समृद्धी प्राप्त होते, अशी मान्यता आहे.
शुक्रवारी ही फुले लक्ष्मीला अर्पण करा
सुख-समृद्धीसाठी शुक्रवारी लक्ष्मी देवीच्या पूजेमध्ये कमळ किंवा गुलाबाचे फूल अर्पण करा. ही फुले लक्ष्मीला खूप प्रिय आहेत आणि लक्ष्मी स्वतः कमळाच्या फुलावर विराजमान आहे. शुक्रवारी लक्ष्मीची पूजा करताना हातात कमळ किंवा गुलाबाचे फूल ठेवा आणि लक्ष्मीच्या चरणी अर्पण करा. असे केल्याने घरात सुख-समृद्धी नांदेल आणि प्रगतीचा मार्ग सुखकर होतो अशी मान्यता आहे.
याप्रमाणे शुक्रवारी लक्ष्मी मातेची आरती करा
लक्ष्मीची पूजा करताना हे लक्षात ठेवा की, प्रथम तुम्ही चार कापूर आणि दोन लवंगा घ्या. यानंतर चारही कापूर जाळून त्यावर लवंग टाकून माता लक्ष्मीची आरती करावी. असे केल्याने लक्ष्मी कृपा प्राप्त होते आणि घरातील नकारात्मक शक्ती नष्ट होतात. लक्ष्मी देवीला प्रसन्न करण्याचा हा सर्वात सोपा उपाय आहे. असे सांगितले जाते.
शुक्रवारी या वस्तूचे दान करा
लक्ष्मी देवीचा आशीर्वाद मिळविण्यासाठी तुम्ही शुक्रवारी उपवास करू शकता. तसेच, खीर बनवा आणि ती देवी लक्ष्मीला अर्पण करा आणि नंतर ती ६ वर्षांपेक्षा कमी वयाच्या मुलींना प्रसाद म्हणून वितरित करा. यानंतर तुम्ही त्यांना फळे दान करू शकता. हा उपाय तुम्ही सलग २१ शुक्रवार करू शकता. असे केल्याने तुमच्या सर्व मनोकामना पूर्ण होतात आणि कर्जातून मुक्ती मिळते असे मानले जाते.
हे सामान शुक्रवारी द्यावे
शुक्रवारी लक्ष्मी देवीचा आशीर्वाद मिळवण्यासाठी लक्ष्मीची पूजा करताना सौभाग्याच्या वस्तू सोबत ठेवाव्यात आणि मग ते विवाहित महिलांना द्यावे. असे केल्याने सौभाग्य आणि आरोग्य लाभते असे मानले जाते. तसेच घरात कधीही आर्थिक आणि अन्नाची कमतरता भासत नाही.