जागतिक महिला दिन व सावित्रीबाई फुले यांच्या स्मृतिदिनानिमित्त सावित्रीबाई फुले विशेष सत्कार

पुणे,दि.११ ;- पुण्यातील अनुसया हॉल गुलटेकडी येथे मोहल्ला महिला कमिटी यांनी अंगणवाडी शिक्षिका ,सेविका, स्वच्छ संस्थेच्या महिला, निराधार, घरेलू कामगार अशा महिलांचा सन्मान सोहळा लोकायत नागरी समितीच्या प्रमुख अलकताई जोशी यांच्या हस्ते संपन्न झाला. तसेच अलका ताईआणि त्यांची टीम नीलिमा, मोनाली, तुषार, वर्षा यांनी गाण्याच्या माध्यमातून सावित्रीबाई फुले याची यांची ओळख आणि कार्य अतिशय सुंदर शब्दांत करून दिली. या कार्यक्रमाला प्रभागातील

महिलाही उपस्थित होत्या. कार्यक्रमाचे आयोजन मोहल्ला महिला कमिटीच्या अनुसया गायकवाड , सौ अश्विनी राऊत ,सौ वैशाली कोटेकर, सौ सरुबाई सुतार, सौ कस्तुरबाई कांबळे, राजिया काझी , सौ संगीता विश्वकर्मा , सोनाली शिवशरण, तबसुम शेख , गीता सरोदे, यांनी केले . तसेच अनुसया गायकवाड यांनी मोहल्ला कमिटीची माहिती दिली कार्यक्रमाचे सूत्रसंचालन सौ अश्विनी राऊत यांनी केले. सौ वैशाली कोटेकर यांनी आभार मानले