तरुण शेतात काम करत होता, पाठीमागून बिबट्याने हल्ला केला; पुढे घडलं थरारक नाट्य

नाशिक: कसारा येथील राड्याचापाडा वस्तीत शेतात काम करत असणाऱ्या तरुणावर दबा धरून बसलेल्या बिबट्याने पाठीमागून येत हल्ला केला आहे. बिबट्यांने तरुणाच्या अंगावर झडप घेताच तो सावध झाला आणि जवळ असलेल्या काठीच्या सहाय्याने बिबट्याचा प्रतिकार करू लागला. बिबट्यासोबत झालेल्या हातापायी मध्ये हा तरुण जखमी झाला आहे. मंगेश मोरे असे जखमी तरुणाचे नाव असून त्याच्यावर कसारा येथील प्राथमिक आरोग्य केंद्रात उपचार सुरू आहेत.

मंगेशच्या अंगावर झडप घातलेल्या बिबट्याचा प्रतिकार करत असताना बिबट्याने जंगलाच्या दिशेने धूम ठोकली. बिबट्यासोबत झालेल्या झटापटीत मंगेशला नखं लागल्याने तो जखमी झाला. मात्र, तरीही मंगेशने न घाबरता बिबट्यासोबत दोन हात केले. त्याच्या धाडसाचे सर्वत्र कौतुक होत आहे. परंतु परिसरातील ग्रामस्थ आणि शेतकऱ्यांमध्ये प्रचंड भीतीचे वातावरण पसरले आहे. स्थानिकांकडून आता बिबट्याचा बंदोबस्त करण्यात यावा अशी मागणी केली जात आहे.

वाचाः स्वप्नातील घर घेण्यासाठी महिला झाली ॲडल्ट स्टार, आता कमवते करोडो रुपये!

भक्ष आणि पाण्याच्या शोधात जंगलातून लोक वस्तीकडे येत असणाऱ्या जंगली हिंस्र प्राण्यांचे प्रमाण वाढल्याने अनेक शेतकरी आता चिंतेत आहेत. कसारा, इगतपुरी या परिसरात बिबट्याचा वावर वाढल्याने शेतात कामासाठी जाणाऱ्या शेतकऱ्यांमध्ये बिबट्याची दहशत निर्माण झाली आहे. त्याच बरोबर परिसरात कुत्रा, मांजर , कोंबड्या बकऱ्या यांचे अवशेष सापडल्याने बिबट्याचे वास्तव असल्याचा अंदाज ग्रामस्थांकडून व्यक्त करण्यात येत आहे. अनेक शेतकऱ्यांकडे शेती उपयोगी असलेले गाय, बैल , बकरी यासारखे पशु उघड्यावरच बांधत असल्याने बिबट्याच्या वावराने चिंता वाढली आहे. तसेच परिसरातून समृद्धी महामार्ग जात असल्याने त्या ठिकाणी अनेक जंगली प्राण्यांचा वावर वाढल्याचे ग्रामस्थांकडून सांगण्यात येत आहे.

वाचाः भूकंपाच्या धक्क्याने पुन्हा हादरले पालघर; पाच वर्षांपासून सातत्याने जाणवताहेत भूकंपाचे हादरे

दरम्यान, मंगेश मोरे हा तरुण शेतात वरई नागलीचे भारे बांधण्यासाठी वेली तोडत असताना बिबट्याने त्याच्या अंगावर पाठीमागून झडप घातली. यावेळी बिबट्याने त्याच्या पाठीवर पंचाने वार केल्याने मंगेशच्या पाठीवर जखमा झाल्या आहेत. मंगेश सोबत हा प्रकार घडल्यानंतर मंगेश तिथून जखमी अवस्थेत घरी गेला आणि घरी गेल्यानंतर त्याने घडलेली सर्व हकीकत सांगितली त्यानंतर त्याला काही ग्रामस्थांनी कसारा येथील आरोग्य केंद्रात घेऊन जात उपचार केले. त्याची प्रकृती स्थिर असल्याने त्याला आरोग्य केंद्रातील डॉक्टरांनी घरी सोडून दिले.

वाचाः HIVग्रस्त गर्भवती महिलेवर उपचारास नकार, सहा तास वेदनेने विव्हळत होती अखेर ज्याची भिती होती तेच झालं!