Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
रत्नागिरी : हनी ट्रॅपमध्ये अडकवून पैसे उकळण्यासारख्या अनेक घटना समोर येऊ लागल्या आहेत. अशीच एक घटना कोकणात रत्नागिरी तालुक्यातील ग्रामीण भागात घडली आहे. सोशल मीडियावर फेक अकाऊंट काढून तरुणाला हनी ट्रॅपमध्ये अडकवण्याचा प्रयत्न करण्यात आला. तुमचे व्हिडीओ यूट्यूबवर टाकतो अशी धमकी देत तरुणाला ब्लॅकमेल करण्यात आले. एका अज्ञात महिला व पुरुषाने तब्बल पन्नास हजार पाचशे रुपयांची रक्कम लुबाडल्याचा आरोप आहे.
तक्रारदाराच्या मोबाईलवर संबंधित अज्ञात आरोपी इसमाने फोन केला. त्याला घाबरवून टाकत धमकी दिली. सांगितल्या प्रमाणे पैसे दिले नाहीत, तर तुमचा व्हिडीओ यूट्यूबवर टाकेन, असे सांगून ब्लॅकमेल करण्याचा प्रयत्न केला व पैशाची मागणी केली.
घाबरलेल्या तक्रारदाराने गुगल पेद्वारे पन्नास हजार पाचशे रूपये दिले. मात्र या सगळ्या प्रकारानंतर आपली फसवणूक झाल्याचे लक्षात येताच या प्रकरणी रत्नागिरी ग्रामीण पोलीस ठाण्यात तक्रार दाखल करण्यात आली आहे.
हेही वाचा : विक्रम गोखलेंची तब्येत पुन्हा खालावली, डॉक्टरांनी दिले Health Update
या प्रकरणी कलम ४२०, ३४, माहिती तंत्रज्ञान अधिनियम २००० चे कलम ६७ अ प्रमाणे अज्ञात आरोपींच्या विरोधात गुन्हा दाखल करण्यात आला आहे. अधिक तपास रत्नागिरी ग्रामीण पोलीस करत आहेत.
हेही वाचा : अनोळखी नंबरचा Video Call रिसिव्ह करण्याआधी १० वेळा विचार करा, असू शकतो Sextortion चा प्रकार
याआधी बुलढाण्यात माजी सरपंचाला एका महिलेने हनी ट्रॅपमध्ये अडकवल्याचं समोर आलं होतं. महिलेने माजी सरपंचाला फोन करुन निर्जन स्थळी बोलावलं. मला तुमच्यासोबत संबंध प्रस्थिपित करायचे आहे, असं सांगितलं. त्यानंतर ती महिला निर्वस्त्र होऊन अश्लील कृत्य करणार, तेवढ्यात तिथे दबा धरुन बसलेले पाच जण आले आणि त्यांनी माजी सरपंचला मारहाण केली. तसेच, तुझे व्हिडिओ काढले आहेत, ते व्हिडिओ व्हायरल करु, अशी धमकीही दिली. त्यासाठी माजी सरपंचाकडे एक लाख रुपयाची मागणी करण्यात आली होती. माजी सरपंचाने थेट पोलीस ठाणे गाठत घटनेची माहिती बुलढाणा पोलिसांत दिली होती. त्यांच्या तक्रारीच्या आधारे पोलिसांनी सर्व आरोपींना महिलेसह अटक केली होती.
हेही वाचा : ज्याच्या लग्नाचं आमंत्रण, त्याच्याच अंत्यविधीला जाण्याची वेळ, २६ वर्षीय नवरदेवाचा करुण अंत