मावशीला म्हणाली बापू पुलाजवळ जाऊन येते, रात्रभर मुलगी घरी नाही, तीन दिवसांनी अनर्थ समोर

नाशिक : नाशिकमध्ये एका अल्पवयीन मुलीने गोदापत्रात आत्महत्या केल्याची धक्कादायक घटना घडली आहे. काही दिवसांपूर्वीच नाशिक मधील के.टी.एच.एम महाविद्यालयात शिकत असलेल्या तरुणाने महाविद्यालयाच्या वसतिगृहात गळ्याला फास लावून घेत आत्महत्या केल्याचा प्रकार घडला होता. ही घटना ताजी असतानाच नाशिकमध्येच गोदावरी नदीत उडी मारत एका १७ वर्षीय अल्पवयीन मुलीने आपले जीवन संपवल्याची घटना उघडकीस आली आहे.

चांदवड तालुक्यातील शिरूळ तांगडी येथील रहिवासी असलेल्या १७ वर्षीय मुलीने नाशिक मधील गोदावरी नदीच्या पत्रात उडी मारत आपले जीवन संपवले आहे. या प्रकरणी शहरातील पंचवटी पोलीस ठाण्यात नोंद करण्यात आली आहे.

या बाबत मिळालेल्या माहिती प्रमाणे अल्पवयीन मुलगी १८ नोव्हेंबर रोजी सावरकर नगर येथे आपल्या मावशीकडे आली होती. गुरुवारी (दि.२४) सकाळी ती घरातून बाप्पू पूल परिसरात फिरून येते अस सांगत घरा बाहेर पडली. बराच काळ होऊन घरी परतली नाही. रात्र झाल्यामुळे तिच्या घरचे काळजी करू लागले व तिच्या आईने गंगापूर पोलिसात मुलगी बेपत्ता झाल्याची तक्रार नोंदवली. तक्रारीवरून पोलीस तिचा शोध घेत होते.

दरम्यान, रविवारी गोदापार्क जवळील माखमलाबाद रस्त्या वरील रोपवाटिका पुला लगत नदी पत्रात एका मुलीचा मृतदेह पाण्यावर तरंगताना आढळून आला. या घटनेची परिसरात चर्चा होताच नागरिकांनी पोलिसांना याबाबत माहिती कळवली. घटनेच्या ठिकाणी तत्काळ पोलिसांना आणि अग्निशमन दलाला पाचारण करण्यात आले. अग्निशमन दलाच्या जवानांनी मृतदेह नदीपात्रातून बाहेर काढला, या वेळी पोलिसांना माहिती देणाऱ्या व्यक्तीने मृतदेह बघितला असता त्याला मृतदेहाची ओळख पटली.

हेही वाचा : गावातील तरुण सकाळी सकाळी घरात घुसला अन् महिलेच्या बाजूला जाऊन झोपला…

अल्पवयीन मुलीने आत्महत्या केल्यानंतर तिचा मृतदेह गोदावरी नदीच्या पात्रात आढळून आला, यामुळे परिसारत एकच खळबळ उडाली आहे. या मुलीने आत्महत्या का केली याबाबतची अजून कुठली माहिती मिळाली नसून आत्महत्येचे कारण अद्याप समोर आलेलं नाही त्यामुळे तिने एवढ्या टोकाचे पाऊल का उचलले, या संदर्भात अनेक प्रश्न उपस्थित झाले असून पोलीसा या प्रकरणाचा पुढील तपास करत आहेत.

हेही वाचा : नैराश्यातून उचललं टोकाचं पाऊल, KTHM कॉलेजच्या हॉस्टेलमध्ये तरुणाने संपवली जीवनयात्रा