Tej Police Times
आंबेगाव (पुणे): बटाटा हे कंदमुळ म्हणून त्याची ओळख आहे. कारण ते जमिनीखाली उगवते. पण हिच बटाटे जेव्हा जमिनीच्या वर झाडाला येतात तेव्हा. आश्चर्य वाटलं ना.. पण हे खरं आहे. पुणे जिल्ह्यातच आंबेगाव तालुक्यातील निरगुडसर या गावात चक्क झाडाला बटाटे लागले आहेत. युवा शेतकरी संदीप आणि धनेश पांडुरंग वळसे पाटील यांच्या शेतात असणाऱ्या झाडाला चक्क १८ ते १९ बटाटे लगडले आहेत. हे बटाटे पाहण्यासाठी नागरिक गर्दी करू लागले आहेत.
आंबेगाव तालुक्यात बटाटा पीक मोठ्या प्रमाणावर घेतले जाते. बाजारभावही बटाट्याला चांगला मिळतो. या भागात अनेक ठिकाणी बटाटे काढणीला आले आहेत. जमिनीत बटाटे येतात तसेच हे बटाटे जमिनीच्या वर आले आहेत. थंडीमुळे जमिनी खालचा बटाटा हिरवा पडतो त्याच प्रमाणे हा बटाटा देखील हिरवा पडला आहे. बटाटे झाडाला लगडलेले दिसल्याने परिसरात हा कुतूहलाचा विषय होत असून लोकं गर्दी करत आहेत.
वाचाः महाराष्ट्रात आढळल्या दोन सोन्याच्या खाणी, मुख्यमंत्र्यांनी दिली महत्त्वाची माहिती
आजच्या आधुनिक शेतीत अनेक वेगवेगळे प्रयोग घेतले जात आहेत. त्यातून अनेक युवा शेतकरी शेतीला पुढे नेण्यासाठी प्रयत्न करत आहेत. अनेक पारंपारिक ठराविक ऋतूत निघणारी पिके आता आधूनिकीकरणामुळे सगळ्या ऋतूमध्ये घेता येऊ लागली आहेत. बटाटा हे शक्यतो मुरमाड जमिनीवर येणारे पीक आहे. मात्र झाडाला लगडलेले बटाटे ही मात्र पहिलीच घटना घडली असावी. एका झाडाला १८ ते १९ बटाटे आलेले आहेत. म्हणजेच पीक सुद्धा तेवढ्याच जोमात आले आहे. येणाऱ्या काळात जमिनीवर देखील बटाटा येऊ शकतो, असे म्हटले तर आश्चर्य वाटायला नको.
वाचाः मरीन ड्राइव्ह, हाजी अली मुंबईच्या नकाशावरुन गायब होणार; किनाऱ्यालगतची शहरं गिळणार समुद्र