Tej Police Times
परभणी : मॉर्निंग वॉकसाठी गेलेल्या व्यापाऱ्याचा अज्ञात वाहनाच्या धडकेत मृत्यू झाला आहे. ही घटना आज शनिवारी पहाटे ५.३० वाजेच्या सुमारास मानवत तालुक्यातील रामेटाकळी जवळ घडली. अपघातानंतर वाहन चालक पसार झाला आहे. मागील काही दिवसात या मार्गावर अपघाताच्या घटना वाढल्या आहेत. निष्पापांना आपला जीव गमवावा लागत आहे. शांतीलिंग नरहरी आप्पा व्यवहारे (वय ५०) असे मयत व्यापाऱ्याचे नाव आहे.
अर्थसंकल्पात सामान्यांना मोठा दिलासा; कररचनेत बदल होणार? काय आहेत संकेत
शांतीलिंग व्यवहारे यांच्या पश्चात पत्नी, एक मुलगा, दोन मुली असा परिवार आहे. अॅड. सोमनाथ व्यवहारे यांचे ते मोठे बंधु होते. शांतीलिंग व्यवहारे यांचा तेलाचा व्यवसाय असल्याने परिसरात त्यांची ओळख होती. त्यांच्या अपघाती मृत्यूमुळे हळहळ व्यक्त करण्यात येत आहे. घटनास्थळाला मानवत पोलीस ठाण्याचे सह. पोलीस निरीक्षक आनंद बनसोडे, सह. पोलीस निरीक्षक जाधव यांनी भेट देऊन पंचनामा केला. त्यांना रामा खंदारे, मारोती नवगीर यांनी मदत केली. या राज्य मार्गावर भरधाव जाणाऱ्या वाहनांमुळे अपघाताच्या घटना वाढल्या आहेत. नागरिकांनी देखील योग्य काळजी घ्यावी असे आवाहन करण्यात आले आहे.
हॉस्पिटलमधून बाळाला घेऊन थेट सरपंचपदाच्या अर्जावर सही, बीडच्या पल्लवी मानेंची सर्वत्र चर्चा