३ महिन्यांपूर्वी लेक गमावली, आता मुलानेही सोडले प्राण; माय-बापाच्या डोळ्यांतलं पाणी थांबेना

एकाच मांडवात दोघींशी लग्न करणाऱ्याला शिक्षा होणार का? वाचा काय सांगतो कायदा

चिकर्डे गावात घडली घटना

सोलापूर जिल्ह्यातील बार्शी तालुक्यात मौजे चिखर्डे नावाचं गाव आहे. चिखर्डे गावात ३ महिन्यांपूर्वी एक उपोषण आंदोलन सुरु करण्यात आलं होतं. दिव्यांग निधीसाठी हे आंदोलन पुकारण्यात आलेलं होतं. ३ महिन्यांपूर्वी दिव्यांग निधी मिळावा म्हणून चिखर्डे ग्रामपंचायतीसमोर आईवडिलांसोबत मुलगा आणि मुलगीही उपोषणाला बसले होते. दरम्यान, १३ वर्षीय वैष्णवी रामचंद्र कुरुळे या मुलीचा उपोषणादरम्यान ३ महिन्यांपूर्वी मृत्यू झाला होता.तर, ४ डिसेंबर रोजी दुपारी चार वाजण्याच्या सुमारास या दाम्पत्याचा संभव रामचंद्र कुरुळे यांनेही प्राण सोडला आहे. १० वर्षांचा दिव्यांग मुलगा संभव रामचंद्र कुरुळे हा देखील उपोषणाला बसला होता. या मुलाचाही मृत्यू झाल्यानं बार्शी येथे प्रशासना विरोधात संताप व्यक्त केला जात आहे.

वाचाः जुळ्या बहिणींशी लग्न करुन नवरदेव फसला, आता महिला आयोगाने उचललं मोठं पाऊल

दिव्यांग निधीसाठी उपोषण

चिकर्डे गावातील कुरुळे कुटुंब दिव्यांग निधीसाठी ऑगस्ट महिन्यात चिकर्डे ग्रामपंचायत कार्यालयासमोर उपोषणाला बसले होते. ३ महिन्यांआधी मुलगी गमावली आणि आता मुलाचाही जीव गेल्यानं कुरुळे पती-पत्नी यांच्यावर दुःखाचा डोंगर कोसळला आहे. मुलीच्या मृत्यूनंतर कुरुळे दाम्पत्याला प्रशासनाकडून आश्वासनं मिळाली होती. पण काहीच न झाल्यानं दुसऱ्यांदा हे दाम्पत्य उपोषणाला बसलं होतं. पण यावेळी दिव्यांग मुलाचा या उपोषणादरम्यान मृत्यू झाल्यानं त्यांना मोठा धक्का बसला आहे.

वाचाः ज्वालामुखीचा उद्रेक होताच वाहू लागली लाव्हारसाची नदी, पूलही वितळला; थरारक व्हिडिओ समोर