सीमाप्रश्नावरुन राष्ट्रवादी काँग्रेस आक्रमक, पण दत्तात्रय भरणे म्हणाले, ‘कर्नाटक एकप्रकारे योग्य’

एकनाथ शिंदेंची ‘भाई’गिरी आता कुठे गेली; ढाल-तलवार चिन्ह वापरायची लायकी नाही: संजय राऊत

कर्नाटक विरोधात महाविकास आघाडीचे येत्या शनिवारी कोल्हापुरात आंदोलन

महाराष्ट्र कर्नाटक वाद काय संपता संपत नाही. कालच बेळगाव येथे कन्नड रक्षक वेदिका या कानडी संघटनेकडून महाराष्ट्राच्या गाड्यांवर हल्ला करत गाड्यांची तोडफोड केली यामुळे संतप्त झालेल्या शिवसेना उद्धव बाळासाहेब ठाकरे गटाने देखील कोगनोली टोल नाका येथे आंदोलन केले. यामुळे सध्या दोन्ही राज्यांमध्ये सुरू असलेली परिवहन सेवा ही गेल्या दोन दिवसापासून ठप्प आहे. असे असले तरी या दोन्ही राज्याच्या भांडणात सीमा भागातील मराठी भाषेत हे त्रस्त झाले असून या सर्व सीमा बांधवांना खंबीर पाठिंबा दर्शवण्यासाठी येत्या शनिवारी कोल्हापूरमध्ये शाहू समाधी परिसरात मोठे आंदोलन उभारण्याचा निर्णय महाविकास आघाडी ने घेतला आहे. याबाबतची घोषणा आमदार सतेज पाटील व हसन मुश्रीफ यांनी केली असून या आंदोलनात महाविकास आघाडीचे सर्व नेते कार्यकर्ते तसेच महाराष्ट्र एकीकरण समितीचे पदाधिकारी सहभागी होणार आहेत. शिवाय संभाजीराजे छत्रपती यांना देखील निमंत्रित करण्यात येणार आहे.
कर्नाटकच्या CM ने तोंडावर आवर घालावा, आव्हानाची भाषा असेल तर मराठी जनता तयार : राज ठाकरे

शनिवारी कोल्हापुरात आंदोलन

गेल्या काही दिवसांपासून महाराष्ट्र कर्नाटक सीमावाद हा वाढत चालला आहे गेल्या दोन दिवसापासून महाराष्ट्र कर्नाटक या दोन्ही राज्यांमधील एसटी सेवा देखील बंद असल्याने याचा फटका हा सीमा भागातील मराठी बांधवांना बसत आहे. तर दुसऱ्या बाजूला सरकार देखील काही ठोस पावलं उचलत नसल्याने महाविकास आघाडी कोल्हापूरच्या वतीने येत्या शनिवारी शाहू समाधी स्थळ परिसरात मोठा आंदोलन उभारण्याचा निर्णय घेण्यात आला आहे आज शासकीय विश्रामगृह येथे आयोजित केलेल्या बैठकीत हा निर्णय घेण्यात आला असून यावेळी माजी मंत्री हसन मुश्रीफ, माजी मंत्री सतेज पाटील, आमदार जयश्री जाधव, आमदार ऋतुराज पाटील, शिवसेनेचे जिल्हाप्रमुख विजय देवणे, संजय पवार यांच्यासह मान्यवर पदाधिकारी उपस्थित होते. यावेळी सर्वांनीच महाराष्ट्रातील भाजप शिंदे गटाच्या सरकारवर कडाडून टीका केली. कर्नाटकमध्ये पुढील वर्षी विधानसभा निवडणुका आहेत. महाराष्ट्रामध्ये छत्रपती शिवरायांच्या बद्दल बदनामीचे वातावरण केले जात आहे. यावरून लक्ष विचलित करण्यासाठी सीमा प्रश्नाचा हा मुद्दा जाणीवपूर्वक समोर आणण्याचा आरोप यावेळी नेत्यांनी भाजप आणि शिंदे गटावर केला आहे. तसेच काही दिवसांपूर्वी कोल्हापुरात दोन्ही राज्यांचे राज्यपाल तसेच अधिकारी यांच्यामध्ये नेमकी काय चर्चा झाली हे नागरिकांसमोर आणावे अशी मागणीही आमदार सतेज पाटील यांनी केली आहे.

महाराष्ट्राची कळ काढून कर्नाटकात सत्ता आणण्याचा प्रयत्न: हसन मुश्रीफ

हसन मुश्रीफ म्हणाले की, प्रकरण कोर्टात असताना अशी वक्तव्ये कर्नाटकच्या कोणत्याच मुख्यमंत्र्यांनी केली नाहीत. आपली सत्ता येण्यासाठी महाराष्ट्राची कळ काढून कर्नाटकात सत्ता आणू पाहत आहेत. जाणीवपूर्वक भाजपची मंडळी छत्रपती शिवाजी महाराज यांचा अवमान करत आहेत. शरद पवार यांनाही बेळगावमध्ये बंदी घातली होती, पण पवार साहेब आदल्याच दिवशी बेळगावमध्ये पोहोचले होते. वेषांतर करून कार्यक्रमाला उपस्थित राहिले होते. शनिवारी शाहू महाराजांच्या समाधीजवळ कर्नाटक सरकारचा निषेध करण्यासाठी मोठ्या संख्येनं उपस्थित रहावे सीमाभागातील नेत्यांनाही या ठिकाणी येण्यास विनंती केली जाणार आहे. तर तोडफोड कशी करायची हे शिवसेनेला शिकवायची गरज नाही. तुम्ही पाच गाड्या फोडल्या तर आम्ही ५० गाड्या फोडू, तुम्ही १० गाड्या फोडल्या तर १०० गाड्या फोडू. नमस्कार न करता आता चमत्कार दाखवण्याची वेळ आली आहे. तुम्ही हातात वीट घ्याल तर आम्ही हातात दगड घेऊ, असा इशारा संजय पवार यांनी दिला आहे. तुम्हाला जायचंच नव्हतं, तर घोषणा कशाला केली? चंद्रकांत पाटील आणि शंभूराज देसाई या दोन मंत्र्यांनी मराठी माणसाचे खच्चीकरण केल्याचा आरोप संजय पवार यांनी केला आहे.