Tej Police Times
म. टा. विशेष प्रतिनिधी, मुंबई : राजभवनावर कार्यक्रमासाठी गेलेल्या महिलांच्या शिष्टमंडळातील एका महिलेने राज्यपालांच्या खुर्चीसोबत फोटो काढले. छोट्या पडद्यावरील अभिनेत्री असलेल्या या महिलेने हे फोटो नंतर तिच्या इन्स्टाग्राम अकाऊंटवर टाकताच ते व्हायरल झाले. असे फोटो व्हायरल झाल्याचे राजभवन अधिकाऱ्यांच्या लक्षात येताच त्यांनी नाराजी तर व्यक्त केलीच. शिवाय या अभिनेत्रीला समजही देण्यात आल्याची माहिती आहे.
राज्यपाल भगतसिंह कोश्यारी यांच्या भेटीसाठी एका सामाजिक संस्थेच्या महिलांचे शिष्टमंडळ राजभवनवर गेले होते. या महिलांबरोबर छोट्या पडद्यावरील अभिनेत्री मायरा मिश्रा होती. कोश्यारी दालनात येण्याआधी तिने मोबाइलमधून राज्यपालांच्या खुर्चीसोबत काही फोटो काढले. त्यानंतर ते फोटो तिने आपल्या इन्स्टाग्राम अकाऊंटवर टाकले. सोशल मीडियावर हे फोटो व्हायरल झाल्यानंतर राजभवनच्या अधिकाऱ्यांच्या ध्यानात ही गोष्ट आली. राज्यपालांच्या खुर्चीसोबत मायरा मिश्राचे फोटो व्हायरल झाल्यानंतर राजभवनाकडून नाराजी व्यक्त करण्यात आली. राज्यपालांच्या भेटीआधी मोबाईल फोन बाहेर ठेवावेत, असा नियम असतानाही तो मोडण्यात आला. परस्पर मोबाइलवरून फोटो काढण्यात आल्याने राजभवनातील अधिकाऱ्यांनी अभिनेत्रीसह शिष्टमंडळातील महिलांना समज दिल्याचे समजते.
करोनाचौकशीचे गुऱ्हाळ; ‘हे’ व्यवहार कॅगच्या चौकशीच्या फेऱ्यात, पालिका अन् कॅग म्हणतात…