Tej Police Times
चंद्रपूरः दारू प्यायला दे..! असा हट्ट घालणारे हजारो लोकं मिळतील. पण, दारू पाजण्यासाठी हट्ट करणारे कमीच असतात. ऐकून तुम्हालाही नवलं वाटलं ना. चंद्रपुरात अशीच एक धक्कादायक घटना घडली आहे. दारू पिण्यासाठी नकार दिल्याने एकावर जीवघेणा हल्ल्याचा प्रयत्न केल्याचा प्रकार घडला आहे.
पोलिसांनी दिलेल्या माहितीनुसार, जिल्ह्यातील भद्रावती गवराळा नागोबा बदखल याच्याकडे घरगुती कार्यक्रम होता. याकरिता नातेवाईकांना बोलाविले होते. गवराळा येथील त्याचा चुलत भाऊ प्रशांत बदखल हा सुद्धा आला होता. या कार्यक्रमात त्याने चुलत भाऊ नागोबा याला दारू पिण्यासाठी हट्ट केला. मात्र नागोबाने दारू पिण्यास नकार दिला.
वाचाः राज्यपालांना हटवण्याची मागणी, उदयनराजेंनी खासदारांसह घेतली मोदींची भेट; पण भाजपबाबत सूर नरमाईचा
वारंवार बोलावूनही तो दारू पिण्यासाठी येत नाही म्हणून दोघांत वाद झाला. यावरून प्रशांतने घरी जाऊन तलवार काढली. यामुळे सर्व नागरिक भयभीत झाले व भद्रावती पोलिसांना या घटनेची माहिती दिली. पोलिसांनी तलवारीसह आरोपीला अटक केली आहे. याप्रकरणी पोलीस पुढील तपास पोलीस करीत आहे.
वाचाः मुंबई-अहमदाबाद बुलेट ट्रेनच्या मार्गातील अडथळा दूर, मुंबई हायकोर्टाने दिला मोठा दिलासा