Tej Police Times
पुणे : इन्स्टाग्राम हे सोशल मीडिया ॲप सध्या तरुणांमध्ये प्रचंड लोकप्रिय आहे. नवे मित्र-मैत्रिणी बनवण्यासाठी आणि त्यांच्या संपर्कात राहण्यासाठी या अॅपचा वापर केला जातो. मात्र पुण्यातील तरुणीला एक वाईट अनुभव आला असून इन्स्टाग्रामवर एका अनोळखी तरुणासोबत मैत्री करणं सदर तरुणीला चांगलंच महागात पडलं आहे. इन्स्टाग्रामवरील ओळखीचं प्रेमसंबंधांत रुपांतर झालं आणि त्यानंतर दोघेही स्वारगेट येथे एका लॉजवर भेटले. मात्र नंतर दोघांमध्ये वाद झाला आणि तरुणाने तरुणीचे न्यूड फोटो थेट तिच्या काकांच्या व्हॉट्सअॅपवर पाठवल्याचं समोर आलं आहे.
बोगस डॉक्टर, नर्समुळं नवजात बाळाचा मृत्यू, गोवंडीमधील धक्कादायक घटना
पोलिसांनी दिलेल्या अधिक माहितीनुसार, या प्रकरणातील तरुण-तरुणी खासगी कंपनीमध्ये कामाला आहेत. तरुणी पुण्याची तर आरोपी तरुण हा अकलूज येथील आहे. इन्स्टाग्राम या सोशल मीडिया प्लॅटफॉर्मवर २०२१ मध्ये या दोघांची ओळख झाली. ओळखीतून दोघे एकत्र आले, प्रेमात पडले आणि स्वारगेट येथे एका लॉजवर भेटले. मात्र या भेटीदरम्यान आरोपी तरुणाने तरुणीचे काही न्यूड फोटो आपल्या मोबाईलमध्ये काढले होते.
सगळं सुरळीत सुरू असताना दोघांमध्ये काही दिवसांनी वाद झाले आणि पुढे जाऊन हे वाद वाढत गेले. आरोपी तरुण हा तरुणीला वारंवार भेटण्याची विनवणी करत होता. मात्र तरुणीने भेटण्यास नकार दिला. यानंतर आरोपी तरुण पीडित तरुणीला न्यूड फोटो व्हायरल करण्याची धमकी देऊ लागला. तरीसुद्धा तरुणीने भेटण्यास नकारच दिला. मात्र शेवटी तरुणाने तरुणीचे न्यूड फोटो तिच्या काकांना व्हॉट्सअॅपवर पाठवून दिले. तिचे फोटो पाहून काकासह अख्ख्या कुटुंबाला धक्का बसला. कुटुंबियांनी पोलीस स्टेशनला धाव घेतली. त्यानंतर आरोपीला अटक करण्यात आली असून याप्रकरणी अधिक तपास स्वारगेट पोलीस करत आहेत.