भाजीवाल्याचा कोल्हापुरी ठसका…. निवडणूक जिंकत झाला सरपंच, निकालाची चर्चा संपूर्ण जिल्ह्यात

कोल्हापूर : जिल्ह्यातील अतिशय दुर्गम समजल्या जाणाऱ्या शाहूवाडी तालुक्यातील एक भाजी विक्रेता थेट सरपंचपदावर निवडून आला आहे. डोंगर कपारीत असणाऱ्या वरेवाडीतील आनंदा रामचंद्र भोसले यांनी जनसुराज्य पक्षाच्या विश्वास बाबू भोसले यांचा पराभव केलेला आहे. तर आजरा तालुक्यातील वडकशिवाले येथे भाजपच्या एका उमेदवाराचा केवळ एका मताने पराभव झाला आहे. यामुळे या दोन्ही निकालाची चर्चा संपूर्ण जिल्ह्यात होत आहे.

आनंदा भोसले हे पहिल्यापासूनच हिंदुहृदय सम्राट बाळासाहेब ठाकरे यांचे कट्टर कार्यकर्ते आहेत. एक हिंदुत्ववादी कार्यकर्ता म्हणून आनंद भोसले यांची पंचक्रोशीत ओळख आहे. बांबवडे परिसरात भोसले यांचे भाजी विक्रीचे दुकान आहे. यापूर्वीही ते डेप्युटी सरपंच म्हणून निवडून आले होते. आनंद भोसले यांनी शिवाजी विद्यापीठातून पत्रकारिता विभागातून आपले शिक्षण पूर्ण केले आहे. मात्र पत्रकारितेशी जुळवून न घेता त्यांनी थेट भाजी विक्रीचा व्यवसाय सुरू केला. त्यातूनच त्यांनी संपर्क तयार करून आपल्या गावाच्या सरपंच पदावर विराजमान झाले आहेत. आनंदा भोसले हे ठाकरे गटाच्या शिवसेनेकडून सरपंच पदाच्या निवडणूक रिंगणात होते. त्यांना ३९१ मते मिळाली असून त्यांच्या विरोधात जनसुराज्येचे विश्वास भोसले यांना ३३० मते मिळाली आहेत. आनंद भोसले यांचा ६० मतांनी विजय झाला.

बंटी पाटलांनी गड राखला, सरपंचपदीही उमेदवार बसवला, महाडिक गटाला अवघी एक जागा

दुसऱ्या बाजूला आजरा तालुक्यातील वडकशिवाले ग्रामपंचायत निवडणुकीत भाजपच्या उमेदवाराचा केवळ एका मताने पराभव झाला आहे. हा उमेदवार कोणताही नवीन नसून तो विद्यमान सरपंच होता. विद्यमान सरपंच संतोष बेलवाडे याचा केवळ एका मताने पराभव झाला आहे. राष्ट्रवादी काँग्रेसचे संतोष बेलवाडे हे विजयी झाले आहेत. यांना संतोष बेलवाडे पेक्षा केवळ एक मत जास्त पडल्याने ते विजयी झाले आहेत. जयवंत शिंदे यांना १६८ मते पडली. तर भाजपचे विद्यमान सरपंच संतोष बेलवाडे यांना १६७ मतं मिळाली.

भाजपचा सरपंच पराभूत, राष्ट्रवादीच्या उमेदवाराची बाजी, मताधिक्य वाचून डोक्यावर हात माराल