Tej Police Times
वरोरा येथील विनोद श्रावण देठे यांची आष्टी येथे १७ एकर शेती आहे. शेतात शेड बांधण्यात आलेला आहे. या शेडमध्ये शेतीचे अवजारे, सोयाबीन ठेवलेले होते. देठे शेतात गेले असता त्यांना सोयाबीनमध्ये काही अफरातफर झालेली दिसली. शेडमध्ये ठेवलेल्या सोयाबीनमधील अंदाजे १० क्विंटल सोयाबीन चोरीला गेल्याचे देठे यांच्या लक्षात आले. योगायोगाने त्याचवेळी संदीप रागीट व मोहन ठेंगणे हे दोघे दुचाकीने जाताना दिसले.
विरोधकांकडून प्रश्नांची सरबत्ती, संयमी थोरातही कडाडले, शिक्षणमंत्री म्हणाले, काळजी नको, त्या शाळा बंद होणार नाही
त्या दोघांनी शेतातील सोयाबीन चोरी केल्याचा संशय आल्यावर शेतात त्या दोघांना हात-पाय बांधत मारहाण केली. त्यानंतर देठे यांनी वरोरा पोलीस स्टेशनमध्ये दोघांविरुद्ध तक्रार दाखल केली. पोलिसांनी दोघांवर गुन्हा दाखल केला. दरम्यान मारहाणीचा व्हिडिओ सोशल मिडियावर व्हायरल झाला. व्हिडिओमध्ये अमानुषपणे मारहाण केल्याचं दिसत आहे. व्हिडिओच्या आधारावर पोलिसांनी मारहाण करणाऱ्या विरोधात गुन्हा दाखल केला आहे. पुढील तपास वरोरा पोलीस करत आहेत.
शेतकरी विनोद देठे यांनी सोयाबीन चोरी झाल्याची रीतसर तक्रार पोलीस स्टेशनला दिली होती. तक्रारीवरून पोलिसांनी दोघांना ताब्यात घेतलं. पुढील चौकशी ते करत होते. चौकशी सुरू असताना देठे यांनी आपल्या सहकाऱ्यांसोबत दोघांना बेदम मारहाण केली. देठे यांच्या विरोधात तक्रार देण्याची हिंमतही या दोघांमध्ये नव्हती. मात्र, मारहाणीचा व्हिडिओ सोशल मिडियावर व्हायरल झाला. त्यामुळे देठे आणि त्यांच्या सहकाऱ्यांवर गुन्हा दाखल करण्यात आला आहे.
Gold Price Today: सोन्याचे दर गगनाला भिडले, ऐन लग्नसराईत सोनं ५७ हजाराच्या घरात, चांदीही उच्चांकी पातळीवर