Tej Police Times
म. टा. प्रतिनिधी, मुंबई: छत्रपती शिवाजी महाराज टर्मिनस ते विद्याविहार आणि वडाळा रोड ते मानखुर्ददरम्यान मध्य रेल्वेने रविवारी मेगाब्लॉक घोषित केला आहे. पश्चिम रेल्वेवर मुंबई सेंट्रल ते माहीमदरम्यान शनिवार-रविवारी रात्रकालीन ब्लॉक घेण्यात येणार असल्याने रविवारी दिवसा कोणताही ब्लॉक असणार नाही. ब्लॉकमुळे काही लोकल फेऱ्या रद्द राहणार असून काही फेऱ्या विलंबाने धावणार आहेत.
स्थानक– सीएसएमटी ते विद्याविहार
मार्ग– अप आणि डाउन धीमा
वेळ– सकाळी १०.५५ ते दुपारी ३.५५
परिणाम– ब्लॉक कालावधीत धीम्या मार्गावरील लोकल फेऱ्या जलद मार्गावर वळविण्यात येणार आहेत. यामुळे काही फेऱ्या रद्द राहणार असून काही फेऱ्या विलंबाने धावतील.
हार्बर रेल्वे
स्थानक– वडाळा रोड ते मानखुर्द
मार्ग– अप आणि डाउन
वेळ– सकाळी ११ ते दुपारी ४
परिणाम– ब्लॉक कालावधीत सीएसएमटी ते पनवेल/बेलापूर/ वाशीदरम्यान अप आणि डाउन लोकल फेऱ्या रद्द राहणार आहेत. सीएसएमटी ते वांद्रे/गोरेगाव अप-डाउन लोकल फेऱ्या सुरळीत राहणार आहेत. पनवेल ते मानखुर्ददरम्यान विशेष फेऱ्या सुरू राहणार आहेत.
पश्चिम रेल्वे
स्थानक– मुंबई सेंट्रल ते माहीम
मार्ग– अप आणि डाउन जलद
वेळ– रात्री १२ ते पहाटे ४ (शनिवार-रविवार मध्यरात्र)
परिणाम– ब्लॉक कालावधीत जलद मार्गावरील लोकल फेऱ्या धीम्या मार्गावर वळविण्यात येणार आहेत. या रात्रकालीन ब्लॉकमुळे रविवारी दिवसा ब्लॉक नसेल.