Tej Police Times
नवी मुंबई : नवी मुंबईतील सानपाडा परिसरातून एक धक्कादायक प्रकार समोर आला आहे. सानपाडा येथील एका इमारतीबाहेर फेरफटका मारत असताना आयआयटीच्या विद्यार्थिनीचा पोलीस कॉन्स्टेबलने विनयभंग केला आहे. ही घटना उघडकीस आल्यानंतर नागरिकांकडून संताप व्यक्त केला जात आहे.
या घटनेनंतर तरुणीने सर्वप्रथम सानपाडा पोलीस ठाण्यात जाऊन तक्रार दाखल करण्याचा प्रयत्न केला होता. मात्र सानपाडा पोलिसांनी पीडित तरुणीला घाबरवत तक्रार न करण्याचा सल्ला दिला. त्यामुळे पीडित विद्यार्थीनीने आयआयटी कॉलेज कॅम्पसमध्ये आल्यावर घडलेला सर्व प्रकार सांगितला. त्यानंतर पवई पोलीस ठाण्यात या घटनेसंदर्भात तक्रार दाखल करण्यात आली आहे.
जेसीबीखाली चिरडून ४६ वर्षीय महिलेचा मृत्यू; नववर्षाच्या पूर्वसंध्येला कुटुंबावर दु:खाचा डोंगर
दरम्यान, पवई पोलिसांनी कॉन्स्टेबल दीपक राठोडविरोधात विनयभंगाचा गुन्हा दाखल केला असून सदर गुन्हा सानपाडा पोलीस ठाण्यात वर्ग करण्यात आला आहे. त्यानंतर दीपक राठोड याला अटक करून पोलीस कोठडीमध्ये ठेवण्यात आलं आहे. तसंच राठोड याला निलंबितही करण्यात आलं आहे. एका पोलीस कॉन्स्टेबलनेच आयआयटी क्षेत्रातील विद्यार्थिनीचा विनयभंग केल्याने संताप व्यक्त करण्यात येत आहे.