शिंदे गटात बिघाडी? मंत्रिपद न मिळालेल्या नेत्याचाच माझ्याविरोधात कट, सत्तार यांचा गौप्यस्फोट

अब्दुल सत्तार यांच्या सिल्लोड मतदार संघात १ जानेवारी २०२३ पासून कृषी महोत्सव सुरु होत आहे. या महोत्सवाला मुख्यमंत्री एकनाथ शिंदे येण्याची शक्यता वर्तविण्यात येत आहे. याचं पार्शवभूमीवर मंत्री अब्दुल सत्तार यांनी त्यांच्यावर सातत्याने होत असलेल्या आरोपावर मौन सोडले. यावेळी त्यांनी गौप्यस्फोट करुन राजकीय वर्तुळात खळबळ उडवून दिली आहे.शिंदे गटातील काही लोकं आपल्याविरोधात कट रचत असल्याचा आरोप अब्दुल सत्तार यांनी केला आहे. ज्यांना मंत्रिपद मिळालं नाही ते नाराज लोक माझ्या विरोधात कट रचत आहेत, असं अब्दुल सत्तार म्हणाले.

थर्टी फर्स्टच्या पार्टीसाठी लोणावळ्यात जाताय? प्रशासनाने दिला आहे महत्त्वाचा आदेश, ही बातमी वाचाच

माझ्यावर झालेल्या आरोपा बाबत मी मुख्यमंत्री एकनाथ शिंदे व उपमुख्यमंत्री देवेंद्र फडणवीस यांच्या कडे स्पष्टीकरण दिले आहे.मुख्यमंत्री यांच्या घरातील गोष्टी बाहेर कशा येतात? असा प्रश्न उपस्थित करत पक्षातील कुणीतरी या गोष्टी करत आहे,असे मंत्री सत्तार म्हणाले. सत्तारांच्या या वक्तव्याने आता शिंदे गटात देखील अंतर्गत कुरघोडया सुरु असल्याची चर्चा सुरु झाली आहे.

नारायण राणे ‘शिवतीर्थ’वर, दीड तास सपत्नीक भेट, बंगल्याच्या गॅलरीत राज ठाकरेंशी गप्पा

कुरघोडी करणारा नेता कोण आहे. तो औरंगाबाद जिल्ह्यातीलच आहे की मग जिल्ह्याबाहेरील आहे. याचीच चर्चा जोरात सुरु झाली आहे. मात्र या सर्व प्रकरणावर आता मुख्यमंत्री एकनाथ शिंदे यांची प्रतिक्रिया महत्वाची मानली जात आहे.

दरम्यान, गेल्या काही दिवसांपासून सातत्यानं चर्चेत असलेले कृषीमंत्री अब्दुल सत्तार यांच्या गौप्यस्फोटाचे पडसाद कसे उमटतात हे पाहावे लागेल.

नागपूरमध्ये खळबळ, संघ मुख्यालय बॉम्बने उडवण्याची धमकी,पोलीस अ‍ॅक्शन मोडमध्ये, तपास सुरु