शिंदे गटातील धुसफूस चव्हाट्यावर, अब्दुल सत्तारांकडून ‘त्या’ प्रकाराच्या चौकशीची मागणी

विरोधकांचा सभात्याग, सत्तारांनी टायमिंग साधलं, भावुक होऊन कातर आवाजातच आरोपांवर स्पष्टीकरण दिलं!

मंत्रिपद न मिळालेल्या नेत्याचाच माझ्याविरोधात कट

यावेळी अब्दुल सत्तार यांनी शिंदे गटातील एका नेत्यावर गंभीर आरोप केले. मंत्रिपद न मिळाल्याने नाराज झालेल्या माझ्याच पक्षातील नेता माझ्यावरोधात कट रचत असल्याचा दावा त्यांनी केला. विरोधी पक्षातही माझे अनेक हितचिंतक आहेत. माझ्यासारख्या अल्पसंख्याक समाजातील व्यक्तीला कृषी खात्यासारखे महत्त्वाचे खाते कसे मिळाले, या गोष्टीचा अनेकांना धक्का बसला आहे, असे सत्तार यांनी म्हटले.

अब्दुल सत्तार यांच्या या वक्तव्यानंतर शिंदे गटातील तो नेता कोण, याची जोरदार चर्चा रंगली आहे. तो औरंगाबाद जिल्ह्यातीलच आहे की मग जिल्ह्याबाहेरील आहे. याचीच चर्चा जोरात सुरु झाली आहे.
भेदक नजर आणि रागाने लालबुंद चेहरा, ‘निर्लज्जपणाचा कळस’ म्हणत अजितदादा अब्दुल सत्तारांवर तुटून पडले!

महोत्सवासाठी कृषी विभाग वेठीस

सिल्लोडमधील कृषी महोत्सवाच्या आयोजनाच्या मुद्द्यावरुनही अब्दुल सत्तार वादात सापडले होते. अब्दुल सत्तार यांनी सिल्लोड येथे १ जानेवारी ते १० जानेवारी या काळात कृषी-कला-क्रीडा महोत्सवाचे आयोजन केले आहे. या सिल्लोड महोत्सवासाठी आर्थिक मदत राज्यभरातून गोळा करण्याचे आदेश सत्तर यांनी दिल्याची माहिती समोर आली होती. यासाठी कृषी विभागातील अधिकाऱ्यांना प्रवेशिका खपवण्याचे टार्गेट देण्यात आले होते. मात्र, यावरुन गदारोळ होताच अब्दुल सत्तार यांच्या विश्वासू अधिकाऱ्यांच्या माध्यमातून विक्री झालेल्या प्रवेशिका परत मागवण्यात आल्याची चर्चा होती.