Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Bhima Koregaon anniversary | कोरेगाव-भीमा येथील ऐतिहासिक लढाईची आठवण म्हणून साजरा करण्यात येणाऱ्या शौर्यदिनाच्या निमित्ताने पुण्यात हजारो आंबेडकरी अनुयायांनी गर्दी केली आहे. यानिमित्ताने वंचित बहुजन आघाडीचे सर्वेसर्वा प्रकाश आंबेडकर यांनीही रविवारी सकाळी विजयस्तंभाला भेट दिली. पुण्याचे पालकमंत्री चंद्रकांत पाटील हेदेखील याठिकाणी येणे अपेक्षित होते. मात्र, शाईफेकीच्या धसक्याने त्यांनी याठिकाणी येणे टाळले आहे.
हायलाइट्स:
- द्रकांत पाटील हे सार्वजनिक ठिकाणी फेसशिल्ड घालून वावरताना दिसत होते
- पुन्हा शाईफेक होण्याच्या शक्यतेमुळे त्यांनी कोरेगाव-भीमा येथे जाणे टाळले
यासंदर्भात चंद्रकांत पाटील यांनी एक पत्रक प्रसिद्ध करून आपली बाजू स्पष्ट केली आहे. वंचितांच्या शैक्षणिक विकासासाठी मी कटिबद्ध आहे. मी दोनवेळा दिलगिरी व्यक्त करुनही माझ्या विधानाचा विपर्यास सरुन माझ्यावर भ्याडपणे शाईफेक झाली. डॉक्टर बाबासाहेब आंबेडकरांचा अपमान झाला म्हणणाऱ्यांनी डॉ. बाबासाहेब आंबेडकरांची घटना पायदळी तुडवली. डॉ.बाबासाहेब आंबेडकरांच्या कुठल्याही आंदोलनात अपवादानेही हिंसा नव्हती, आताही मी भीमा कोरेगाव ला विजयस्तंभाच्या दर्शनास व अभिवादनास आलो तर पुन्हा शाई फेकू म्हणून धमकी आली आहे. डॉ. बाबासाहेब आंबेडकरांच्या मार्गाने चालण्यासाठी मी शाईच काय छातीवर गोळ्याही झेलण्यास तयार आहे, परंतु हजारो, लाखो अनुयायी दरवर्षी भिमा कोरेगांवला विजयस्तंभास मानवंदना देण्यासाठी येणाऱ्यांमध्ये, अशा एखाद्या घटनेमुळे गालबोट लागावे, जातीय दंगे व्हावे, अशी काही जणांची सुप्त इच्छा आहे. मोठ्या प्रमाणात माझ्या माता, भगिनी, वयस्कर मंडळी, लेकरं श्रद्धेने आली असतील. येत असतील तर त्यांची श्रद्धा व सुरक्षितता ही माझ्या दृष्टीने खूप महत्त्वाची आहे. आदरणीय बोधिसत्व भारतरत्न डॉक्टर बाबासाहेब आंबेडकर हे माझ्या हृदयात आहेत. त्यामुळे मी माझ्या घरी आदरणीय बोधिसत्व भारतरत्न डॉक्टर बाबासाहेब आंबेडकर यांना वंदन करून विजयस्तंभास मानवंदना देणार असल्याचे चंद्रकांत पाटील यांनी सांगितले.
Bhima Koregaon: भीमा कोरेगावचा इतिहास खोटा असल्याचा दावा करणाऱ्या करणी सेनेला प्रकाश आंबेडकरांचं प्रत्युत्तरबोधिसत्व भारतरत्न डॉक्टर बाबासाहेब आंबेडकरांनी दिनांक ०१ जानेवारी १९२७ रोजी आपल्या अनुयायांसह, भीमा कोरेगाव येथे शौर्याचे प्रतीक असलेल्या मानवंदना दिली होती. तेव्हापासून हजारो, लाखो अनुयायी दरवर्षी विजयस्तंभास मानवंदना देण्यासाठी येत असतात .बाबासाहेब आंबेडकर यांच्याविषयी माझ्या मनात प्रचंड श्रद्धा आहे. तिथे जाहीर प्रदर्शन करणे हा माझा स्वभाव नाही. सन १९८२ साली स्वातंत्र्यवीर सावरकरांच्या जन्मशताब्दीनिमित्त अखिल भारतीय विद्यार्थी परिषदेने रत्नागिरीचे पतीतपावन मंदिर ते दादरच्या चैत्यभूमीपर्यंत एक महिनाभर चाललेल्या समता यात्रेचे नेतृत्व मी केलं आहे, डॉक्टर बाबासाहेब आंबेडकरांचे नाव मराठवाडा विद्यापीठाला द्यावं यासाठी शेकडो गावांमध्ये केलेल्या संवाद यात्रेचे नेतृत्वही मी केलं आहे. डॉक्टर बाबासाहेब आंबेडकरांची जयंती घराघरात साजरी व्हावी व नव्या पिढीपर्यंत त्यांचे विचार पोहोचावेत म्हणून प्रत्यक्ष प्रयत्न केले, असेही चंद्रकांत पाटील यांनी पत्रकात नमूद केले आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.