ज्या दिवशी उर्फी माझ्या हातात सापडेल, त्यादिवशी…., चित्रा वाघ यांचा इशारा

एका मातेची लेक अत्याचाराला बळी पडली, त्या मातेने मला उर्फीचा एक व्हिडीओ पाठवला. ती कोण बाई (उर्फी) आहे, हे ही मला माहिती नव्हतं. तिचं इन्स्टाग्राम अकाऊंट पाहिल्यावर मी हैरान झाले. मुंबईच्या रस्त्यावर असे उघडे नागडे व्हिडीओ पाहिले … व्यक्ती स्वातंत्र्याच्या गप्पा मारणाऱ्यांना मला विचारायचंय, तुम्हाला लाज वाटत नाही का? स्वातंत्र्याच्या नावाखाली किती स्वैराचार माजवलाय हा…चार भिंतीच्या आत तुम्ही उघडे नागडे नाचा… आम्हाला काही देणंघेणं नाही. पण ज्यावेळी सार्वजनिक ठिकाणी तुम्ही अशा पद्धतीने वागणार तर आम्ही तुम्हाला त्याच ठिकाणी प्रसाद देणार… आज मी ट्विट करुन कारवाईची मागणी केलीये. ज्या दिवशी ती माझ्या हातात सापडेल त्यादिवशी मी तिला थोबडवणार म्हणजे थोबडवणार..”

देहाचा मांडलेला बाजार चीड आणणारा

केवळ प्रसिद्धी मिळवण्यासाठी या अभिनेत्रीने आपल्या देहाचा मांडलेला बाजार चीड आणणारा आहे. तिच्यावर मुंबई पोलिसांनी कारवाई करावी, अशा आशयाचं पत्र चित्रा वाघ यांनी मुंबई पोलीस आयुक्त विवेक फणसळकर यांना लिहिलं आहे.

उर्फीचं चित्रा वाघ यांना प्रत्युत्तर

“माझ्या नवीन वर्षाची सुरुवात आणखी एका पोलिसांच्या तक्रारीने झाली आहे. या राजकारण्यांना काही खरी कामं नाही आहेत का? या राजकारण्यांना, वकिलांना कळत नाही का? आपल्या संविधानात असा कोणताच नियम नाही ज्यानुसार ही लोकं मला जेलमध्ये पाठवू शकतील. माझे निप्पल व व्हजायना जोपर्यंत दिसत नाही तोपर्यंत मला तुम्ही तुरुंगात टाकू शकत नाही. तुम्हाला फक्त मीडियाचं लक्ष वेधून घ्यायचं आहे. चित्रा वाघ, मी तुम्हाला आणखी चांगल्या कल्पना देते, तुम्ही सेक्स ट्रॅफिकिंग विरुद्ध काम करा, अवैध डान्स बारवर बंदी आणा, अवैध देहविक्री व्यवसायावर बंदी आणा, या सर्व समस्या मुंबईत आहेत त्यांच्याकडे लक्ष द्या”.