Tej Police Times
मिळालेल्या माहितीनुसार, पुण्याहून भोरमार्गे महाडला जाणाऱ्या वरंध घाटात माकडांना खायला घालताना सेल्फी घेत असताना एक शिक्षक तोल जाऊन खोल दरीत पडला. त्यानंतर स्थानिक नागरिकांनी या घटनेची माहिती संबधित विभागाच्या अधिकाऱ्यांना दिली. अधिकाऱ्यांनी घटनेची दखल घेत रेस्क्यू टीमच्या मदतीने घटनास्थळी दाखल होत नऊ तासांच्या अथक प्रयत्नानंतर खोल दरीत पडलेल्या शिक्षकाचा मृतदेह बाहेर काढण्यात यश आले आहे.
वर्षाच्या सुरुवातीलाच Elon Musk चे ७५ हजार कोटी स्वाहा, गौतम अदानी बाजी मारणार; दोघांमध्ये राहिलंय इतकं अंतर
अब्दुल कुदबुद्दीन शेख हे (रा.एरंडी कोरंगळा जि. लातूर) येथील रहिवाशी असून ते सध्या त्यांच्या कुटुंबासह भोर तालुक्यातील नसरापूर येथे राहत होते. तसेच ते (मंडणगड जि. रत्नागिरी) येथे प्राथमिक शिक्षक म्हणून नोकरीला होते. तर त्यांची पत्नी (करंजावणे ता. वेल्हा) येथे प्राथमिक शिक्षिका आहेत. भोरहून वरंध घाटमार्गे मंडणगडला जात असताना रस्त्यात सेल्फी घेण्यासाठी थांबले असताना हा अपघात घडला असावा, असा अंदाज स्थानिकांनी दिलेल्या माहितीवरून पोलिसांनी वर्तवला आहे. दरम्यान, घटनास्थळी संबंधित व्यक्तीची MH 03 BE 7415 क्रमाकांची लाल रंगाची कार आढळली आहे. त्यावरून पुढील तपास करत पोलिसांनी त्यांच्या घरच्यांचा शोध घेतला आहे.
वरंध घाट परिसरातील वाघजाई मंदिर परिसरात,गाडी रस्त्याच्या कडेला लावून माकडांना खायला देत होते. माडकांसोबत सेल्फी घेत असताना मंगळवारी ३ जानेवारीला संध्याकाळी सुमारे ५ वाजता ही घटना घडली होती. त्यानंतर या परिसरात असणाऱ्या नागरिकांनी पोलीस प्रशासनाला ही माहिती दिल्यानंतर शोधकार्य सुरू करण्यात आले होते. त्यानंतर आज बुधवारी पहाटे सुमारे तीनच्या सुमारास अंधारात आणि दाट झाडी झुडपांतून हा मृतदेह दरीतून वर काढण्यात रेस्क्यू टीमला यश आलं आहे. महाडची साळुंखे रेस्क्यू टीम आणि भोरच्या सह्याद्री सर्च रेस्क्यू टीमकडून हे शोधकार्य करण्यात आले.
राष्ट्रवादी काँग्रेसचे नेते धनंजय मुंडे यांच्या गाडीचा अपघात, उपचारासाठी मुंबईत आणणार