गुरुजी तुमच्यासाठी कायपण! शिक्षकाची बदली रद्द करण्यासाठी विद्यार्थ्यांनी गाव डोक्यावर घेतलं

जालना: जालना जिल्ह्याच्या अंबड तालुक्यातील भांबेरी येथील जिल्हा परिषदेच्या शाळेतील शिक्षक मच्छिंद्र घोडसे यांची बदली झाली. पण, त्यांची ही बदली शाळेतील विद्यार्थ्यांच्या चांगलीच जिव्हारी लागली. विद्यार्थीप्रिय असलेले घोडसे सर म्हणजे विद्यार्थ्यांचे साने गुरुजीचं जणू. करोना काळातही घोडसे सरांनी शाळेच्या विद्यार्थ्यांची शिक्षणाची नाळ तुटू दिली नाही.

शाळेत विविध उपक्रम राबवत, नवनव्या संकल्पना राबवत त्यांनी मुलांना अभ्यासात गुंतवून ठेवले. त्यांच्या नवनव्या संकल्पना विद्यार्थ्यांचे शाळेशी नाते घट्ट झाले. नियमित अभ्यासक्रमात थोड्या चांगल्या संकल्पना, नवे प्रयोग केल्याने घोडसे सर शाळेतील प्रत्येक विद्यार्थ्याच्या गळ्यातले ताईत बनले. त्यामुळे ही बदली रद्द करण्यासाठी शेकडो विद्यार्थ्यांनी सहभागी होत गाव फेरी काढत बदली रद्द करण्याची मागणी केली.

हेही वाचा -मुलाच्या गर्लफ्रेंडसोबत वडिलांचे संबंध, बाळाचा बाप कोण… टेन्शनच टेन्शन!

विद्यार्थी प्रिय शिक्षक घोडसे यांची बदली रद्द करण्यासाठी विद्यार्थ्यांनी हातात फलक घेवून प्रभात फेरी काढत रद्द करा रद्द करा, घोडसे सरांची बदली रद्द करा अशा घोषणांनी परिसर दणाणून सोडला. भांबेरीच्या या शाळेत पहिली ते सातवीच्या वर्गात एकूण विद्यार्थी ३६९ पट संख्येनुसार शाळेला १३ शिक्षकांची आवश्यकता असताना केवळ मात्र ६ शिक्षक शाळेचा गाडा ओढतात. त्यातही आता घोडसे सरांची बदली झाली म्हणताच शाळेतील विद्यार्थी भावूक झाले.

हेही वाचा -बाबा वेंगा यांची भविष्यवाणी ठरली खरी; सूर्याच्या पृष्ठभागावर गेल्या ४ वर्षातील सर्वात मोठा स्फोट

आमची शाळा एकदम छान चालते आहे. सरांमुळे विद्यार्थ्यांना शिस्त आणि अभ्यासाची गोडी लागली आहे. त्यामुळे सर जाणार या कल्पनेने मुले हादरली असून सरांची बदली रद्द व्हावी, यासाठी आज सकाळीच हातात फलक घेऊन विद्यार्थ्यांनी गावात फेरी काढत जणू गावकऱ्यांना इशाराच दिला.

बदलीच्या चर्चेने आक्रमक झालेले विद्यार्थी पाहून गावातील थोर मोठ्यांमध्येही यामुळे आश्चर्याचे वातावरण तयार झाले आहे. सदर शिक्षकाची बदली आदेश अद्याप प्राप्त झाले नाहीत. पण, त्यांची बदली झालीय एवढ्या माहितीवर विद्यार्थी भाऊक झाल्याने शिक्षण विभागाने त्यांच्या बदलीचे नेमके काय केले हे सोमवारी स्पष्ट होईलच. या विद्यार्थी प्रेमापुढे शिक्षण खाते नमतं का हे येणारा काळ ठरवेलच. पण, विद्यार्थ्यांच्या गळ्यातील ताईत बनलेले शिक्षक पुन्हा तयार होताहेत ही पण सुखावह घटनाच होय.

हेही वाचा -भयानक घटना; सहा वर्षांच्या मुलाने शिक्षिकेला थेट गोळी झाडली; कारण फक्त ऐवढच की…