Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
निवडणुकीत विरोधात काम केल्याच्या रागातून दोन भाऊ आणि एक अन्य व्यक्तीला घरी बोलावून बेदम मारहाण केल्याची धक्कादायक घटना घडली आहे. यामध्ये यामध्ये मारहाण झालेल्या मधील एक जण गंभीर झाल्याने उपचारादरम्यान रात्री त्याचा मृत्यू झाला आहे. तात्या बबनराव सुरवसे असे मृत झालेल्या व्यक्तीचे नाव आहे. तर नाना बबन सुरवसे आणि अमोल मुरकुटे हे दोघे गंभीर जखमी असून रुग्णालयात त्यांच्यावर उपचार चालू आहे. याप्रकरणी आष्टी पोलीसांत नगरसेवकांसह इतर आरोपींवर गुन्हा दाखल करण्यात आला असून पाच आरोपींना पोलिसांनी अटक केलेली आहे.
वाचाः कडाक्याच्या थंडीत मुलाने ८० वर्षांच्या आईला घराबाहेर काढले, पोलिसांना समजताच…
मुख्य आरोपी नगरसेवक संतोष सुरवसे हा फरार झाला आहे. नुकत्याच झालेल्या निवडणुकांमध्ये तू आमचा माणूस असून विरोधात काम करत होतास, या कारणावरुन ही घटना घडली आहे. आरोपीने तिघांना प्रेमाने घरी बोलवले नंतर पाच सहा जणांनी मिळून तिघांना बेदम मारहाण केली यात एकाचा मृत्यू झाला आणि हे प्रकरण उघडकीस आलं. मात्र राजकारण खालच्या पातळीपर्यंत गेल्यामुळे जिल्ह्यात यावेळच्या ग्रामपंचायत निवडणुकीमध्ये देखील असे प्रकार घडले होते. मात्र आष्टीतील या घटनेने राजकीय पटलावर देखील खळबळ उडाली आहे. पोलीस फरार झालेल्या नगरसेवक संतोष सुरवसेचा तपास करत असून इतर बाबींचाही तपास सुरू असल्याची माहिती पोलीस प्रशासनाने दिली आहे.
वाचाः धावत्या लोकलमधून १२ वर्षांचा मुलगा खाली कोसळला; पोलिसाने जीव वाचवला, पण…