Tej Police Times
१३ वर्षीय विद्यार्थिनीने गळफास घेत जीवनयात्रा संपवली. ठाण्यातील पाचपाखाडीतील सोसायटीमधील ६०३ क्रमांकाच्या सदनिकेतील ही विद्यार्थिनी असून बुधवारी रात्री तिने ही आत्महत्या केल्याचे उघड झाले.
बुधवारी ११ जानेवारी रोजी रात्री ९.४० वाजण्याच्या सुमारास एका १३ वर्षीय विद्यार्थिनीने घरातील बेडरूमच्या सिलिंग फॅनला नायलॉनची दोरी बांधून आत्महत्या केल्याची धक्कादायक घटना घडली होती. ही मयत विद्यार्थिनी घोडबंदर रोड येथील श्री माँ विद्यालयात इयत्ता आठवीमध्ये शिकत होती.
हा प्रकार कुटुंबीयांच्या लक्षात आल्यानंतर त्यांनी तिला तातडीने जिल्हा शासकीय रुग्णालयात उपचारासाठी दाखल केले. मात्र, डॉक्टरांनी तिला मृत घोषित केले.
या घटनेची माहिती मिळताच वरिष्ठ पोलिस निरीक्षक जितेंद्र राठोड, विजय मुतडक आणि उपनिरीक्षक पी. ए. लहाने आदींनी भेट देऊन घटनास्थळी पाहणी केली. यावेळी पोलिसांच्या हाती कुठलेही पुरावे लागले नाही.
हेही वाचा : कपडे ते दागिने खरेदी पूर्ण, लग्नाच्या तोंडावर एकुलत्या एक लेकाने जीवनं संपवलं, कुटुंब म्हणतं…
मुलीने आत्महत्या करण्यापूर्वी कुठलीही सूचना किंवा सुसाईड नोट लिहलेले आढळून आली नसल्याने तरुणीने ही आत्महत्या का केली याचे कारण अद्याप अस्पष्ट आहे. मात्र या तरुणीने नैराश्यातून आत्महत्या केली असावी असा कयास पोलिसांनी व्यक्त केला असून पुढील तपास सुरू आहे.
हेही वाचा : आता बाई शाळेत परतणारच नाहीत, धावती लोकल ट्रेन पकडताना जखमी झालेल्या शिक्षिकेचा मृत्यू