घाम गाळून पिकवलेला कोबी, फ्लॉवर झाला जनावरांचा चारा; दर कोसळल्याने शेतात घुसवल्या शेळ्या, मेंढ्या

मंचर, पुणे : बाजारात महागाई असताना शेतकऱ्यांच्या पिकाला मात्र कवडीमोल भाव मिळतोय. आधी टोमॅटोचे दर घसरले होते. आणि आता कोबी, फ्लॉवर या फळभाजी पिकांच्या बाजारभावात झालेली घसरण कायम आहे. शेतकर्‍यांनी ही पिके सोडून दिली आहेत. शेतकरी आता कोबीचा वापर जनावरांना चारा म्हणून करू लागले आहेत.

गेल्या दोन महीन्यांपासून कोबी, फ्लॉवरच्या दरात मोठी घसरण झाली आहे. कवडीमोल बाजारभावामुळे गुंतविलेले भांडवल तर दूर, परंतु तोडणी, मजुरी आणि वाहतुकीचा खर्चही वसूल होत नाहीए. यामुळे कोबी, फ्लॉवर उत्पादक शेतकरी अडचणीत सापडले आहेत. अनेक शेतकऱ्यांनी कोबी फ्लॉवरच्या उभ्या पिकांमध्ये जनावरे सोडली आहेत.

पुण्यात दोन तरुणांनी परतवला बिबट्याचा हल्ला! शिरूर तालुक्यात घडला थरारक प्रकार

काही शेतकर्‍यांनी कोबी फ्लॉवर दूध देणाऱ्या जनावरांना खाऊ घालण्यास सुरुवात केली आहे. धनगर मेंढपाळांचे मुक्काम सध्या कोबीच्याच शेतात दिसत आहेत. राजस्थानी गोपालक देखील बैलगाडी, ट्रॅक्टर ट्रॉलीत कोबी आणि फ्लॉवरचे गड्डे भरून नेऊन जनावरांना खाऊ घालताना दिसत आहेत. बाजारभाव घसरल्याने शेतकरी अडचणीत सापडला आहे. तर मेंढपाळ, गोपालकांची चंगळ झाली आहे.

पुण्याच्या रुग्णाचा संशयास्पद मृत्यू; नातेवाईकांनी केला थेट डॉक्टरांवर आरोप, काय घडलं नेमकं?