तरुणाकडून सततचा त्रास, अश्लील चाळे; २० वर्षीय तरुणीची आयुष्याची अखेर…

नांदेड: एका तरुणाकडून होणाऱ्या अश्लील चाळ्यांना त्रस्त होऊन एका २० वर्षीय युवतीने गळफास लावून आत्महत्या केल्याची घटना नांदेडच्या मुदखेड तालुक्यातील रोहिपिंपळगा येथे घडली आहे. याबाबत मृत मुलीच्या वडिलांनी दिलेल्या तक्रारीनुसार, त्यांच्या २० वर्षीय मुलीला गेल्या काही दिवसांपासून गावातील उद्धव भाऊराव शिंदे (वय – २३) हा तरुण कोणत्या ना कोणत्या कारणावरुन विनाकारण त्रास देत होता. तसेच, अनेकदा अश्लील शिवीगाळ, चाळे करून तिचे जगणे अवघड केले होते.

मुलीने ही बाब आपल्या घरच्यांना सांगितल्यानंतर त्यांनी शिंदे याच्या घरी जाऊन समाजावून सांगितले. मात्र, त्याच्या वागण्यात काहीच फरक पडला नाही. त्याने पुन्हा त्रास देणे सुरू ठेवले. अखेर सतत होणाऱ्या त्रासाला कंटाळून मुलीने घरात गळफास लावून आत्महत्या केली.

हेही वाचा –

गावातून जात-येत असताना सतत आरोपी उद्धव शिंदे अश्लील इशारे करत छेडछाड करत होता. या छेडछाडीला कंटाळून तरुणीने गाकफास घेत आत्महत्या केली. छेड काढणारा आरोपी आणि मयत तरुणी एकाच गावातील आहेत. आरोपी सतत त्रास देत असल्याने मुलीने आपल्या आईवडिलांना ही बाब सांगितली. गावातील मामला असल्याने आईवडिलांनी आरोपीच्या आईवडीलांना सांगितले पण त्याचा काही उपयोग झाला नाही. अखेर तरुणीने स्वतःच जीवन संपवले. आता या प्रकरणात मुदखेड पोलीस स्थानकात गुन्हा नोंद करण्यत आला आहे. अद्यापही पोलिसांनी आरोपीला अटक केलेली नाहीये. या घटनेने मुलींच्या पालकांत घबराटीचे वातावरण पसरले आहे. पोलिसांनी तात्काळ आरोपीला अटक करण्याची मागणी होत असून कठोर शिक्षेची अपेक्षा आहे.

हेही वाचा –

या प्रकरणी मुदखेड पोलीस ठाण्यात आरोपीविरूद्ध गुरनं १९ / २०२३ कलम ३०६, २९४ नूसार उद्धव शिंदे याच्यावर गुन्हा दाखल करण्यात आला आहे. पोनी महेश शर्मा यांच्या मार्गदर्शनाखाली पोलीस उपनिरिक्षक माधुरी यावलीकर या करीत आहेत. आरोपी सध्या फरार असून पोलीस त्याचा शोध घेत आहेत. आरोपीला तात्काळ जेरबंद करुन कठोर शिक्षा करावी अशी मागणी मृत तरुणीच्या कुटूंबियाकडून करण्यात आली आहे.

हेही वाचा –