Tej Police Times
Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage

त्यांना एकत्र पाहणं… ‘सरला एक कोटी’मधील ओंकार आणि ईशाच्या इंटिमेट सिनवर बॉयफ्रेंड म्हणतो

8

मुंबई- आपल्या हटके अंदाजाने प्रेक्षकांना आपलंसं करणारा लोकप्रिय अभिनेता ओंकार भोजने आणि लोकप्रिय अभिनेत्री ईशा केसकर यांच्या जोडीने सध्या प्रेक्षकांवर जादू केली आहे. ओंकार आणि ईशा यांचा ‘सरला एक कोटी’ हा चित्रपट नुकताच प्रेक्षकांच्या भेटीला आला आहे. या चित्रपटाला प्रेक्षकांचा चांगला प्रतिसाद मिळताना दिसतोय. चित्रपटाची आगळी वेगळी कथा आणि कलाकारांचा अभिनय यामुळे चित्रपट प्रेक्षकांच्या पसंतीस उतरतोय. अशातच सोशल मीडियावर चर्चा आहे ती ओंकार आणि ईशा यांच्या चित्रपटातील इंटिमेट सिनची. चित्रपटात असलेल्या ‘केवड्याचं पान’ या गाण्यात त्यांचा इंटिमेट सीन दाखवण्यात आला आहे. त्यांच्या या सिनवर अनेक नेटकऱ्यांनी आपल्या प्रतिक्रिया दिल्या आहेत. आता त्यावर ईशाचा बॉयफ्रेंड आणि अभिनेता ऋषी सक्सेना यानेही प्रतिक्रिया दिली आहे.


ओंकार आणि ईशाला एकत्र पाहणं आपल्यासाठी नवा अनुभव होता असं त्याने म्हटलं आहे. नुकत्याच एका युट्यूब चॅनेलला दिलेल्या मुलाखतीत ऋषीने ओंकार आणि ईशा यांच्या इंटिमेट सिनवर भाष्य केलं आहे. त्या सिनबद्दल बोलताना ऋषी म्हणाला, ‘मी त्यांना पाहिलं. मोठ्या पडद्यावर त्यांना एकत्र पाहणं खूप छान होतं. ते गाणं आणि ट्रेलर दोन्हीही मला खूप आवडलं. खरं सांगायचं तर मला ईशा खूप आवडली. मी तिच्याकडेच पाहत होतो. आता ओंकारला बघण्यासाठी मला ते पुन्हा पाहावं लागेल. ईशा खूप चांगली दिसलीये. मोठ्या पडद्यावर त्यांना पाहताना मी हसून फक्त तिच्याकडेच पाहत होतो’, असं तो म्हणाला. आपल्या गर्लफ्रेंडला मोठ्या पडद्यावर पाहून आपल्याला आनंद झाला असं त्याने म्हटलं.


‘सरला एक कोटी’ हा चित्रपट २० जानेवारी रोजी प्रदर्शित झाला आहे. चित्रपटात ईशा आणि ओंकार यांच्यासोबतच छाया कदम, कमलाकर सातपुते, रमेश परदेशी, वनिता खरात, सुरेश विश्वकर्मा, विजय निकम, अभिजीत चव्हाण, यशपाल सरताप, जतीन ईनामदार, महेंद्र खिल्लारे, रमाकांत भालेराव, कपिल कांबळे, शाम मते, शुभम खरे, योगेश इरतकर, अभिलाषा पॉल यांच्या मुख्य भूमिका आहेत. “सरला एक कोटी’’ या चित्रपटाची कथा, पटकथा आणि दिग्दर्शन अनेक पुरस्कारप्राप्त चित्रपट ‘आटपाडी नाईट्स’चे नितीन सिंधुविजय सुपेकर यांनी केले आहे.



Source link

Leave A Reply

Your email address will not be published.