शाहरुख खानच्या पठाण सिनेमात केवळ सलमानच नाही तर आमिरच्या बहिणीनं देखील केलंय काम

पठाण सिनेमात सलमान खान यानं पाहुण्या कलाकाराची भूमिका साकारल्याचं आता सर्वांना कळलं आहे. एक गोष्ट तुम्हाला माहिती आहे का की याच सिनेमात आमिर खानची बहिण निखत खान हिनं देखील काम केलं आहे. वाचून आश्चर्य वाटेल पण निखत हिनं शाहरुखच्या मानलेल्या आईची भूमिका साकारली आहे. जर तुम्ही पठाण सिनेमा पाहिला असेल तर ही आमिरची बहिण आहे, हे कदाचित तुमच्या लक्षातही आलं नसेल.

आमिर खानची बहिण निखत खान हेगडे (Nikhat Khan Hegde) हिनं पठाण सिनेमात शाहरुखच्या मानलेल्या आईची भूमिका साकारली आहे. ही व्यक्तीरेखा एका अफगाणी महिलेची आहे. जिनं शाहरुखला पठाण हे नाव दिलं आहे. सिनेमात शाहरुख ही व्यक्तरेखा अनाथ दाखवली आहेत. निखत हिनं शाहरुखला मुलगा मानत असते. त्यामुळेच त्याच्या सुरक्षेची तिला काळजी असल्यानं ती त्याच्या हातावर तावीज बांधते. यावेळी ती खूपच भावुक झालेली दिसते. निखत खान ही सोशल मीडियावर खूपच सक्रीय असते. तिनं चाहत्यांसाठी एक क्लिप इन्स्टाग्रामवर शेअर केली आहे. ही क्लिप पठाण सिनेमातीलआहे. त्यात शाहरुख आणि निखत एकत्र दिसत आहेत.

दरम्यान गेल्यावर्षी निखतनं छोट्या पडद्यावर पदार्पण केलं आहे. स्टार प्लसवरील बन्नी चाऊ होम डिलिव्हरी मध्ये दिसली होती. अभिनेत्री म्हणून निखतनं मिशन मंगल, तान्हाजी द अनसंग वॉरिय, सांड की आंख यांसारख्या अनेक सिनेमांत तिनं काम केलं आहे. तसंच ‘लगान’, ‘हम हैं राही प्यार के’ आणि ‘तुम मेरे हो’ या सिनेमांची निर्मिती केली आहे.

पठाण सिनेमानं रचला इतिहास

पठाण सिनेमा हिंदी शिवाय तमिळ, तेलुगू भाषांमध्ये प्रदर्शित झाला आहे. या सिनेमानं एक इतिहास रचला आहे. सिद्धार्थ आनंद यांनी दिग्दर्शित केलेल्या सिनेमानं पहिल्याच दिवशी 100.96 कोटी रुपयांची कमाई केली आहे. इतकी घसघशीत कमाई करणारा हा पहिला सिनेमा आहे. या सिनेमात शाहरुख खान शिवाय दीपिका पादुकोण, जॉन अब्राहम यांच्याही महत्त्वाच्या भूमिका आहेत. देशा परदेशात सिनेमाला जबरदस्त प्रतिसाद मिळाला आहे. सिनेमाचे अनेक शोज हाऊसफुल्ल आहेत. सिनेमागृहांमध्ये सिनेमांतील गाण्यांवर प्रेक्षक थिरकत आहेत. शाहरुखच्या चाहत्यांसाठी हे दिवस कोणत्याही सणापेक्षा कमी नाही.