Tej Police Times
पुणेकरांसाठी मोठी बातमी! उद्यापासून ‘या’ भागातील CNG पंप चालकांचा बेमुदत संप
बेमुदत संप का पुकारला?
हा बेमुदत संप सुधारित ट्रेड मार्जिनबद्द्ल MOPNG ने जारी केलेल्या परिपत्रकाच्या संदर्भात आहे. एकीकडे पुणे जिल्ह्यात MNGL कंपनीने आणि प्रमुख CGDने थकबाकीसह पैसे दिलेत किंवा ते देण्यास सहमती दर्शवली आहे. तर दुसरीकडे टोरंट गॅससह काही कंपन्यांनी पैसे देण्याबाबत वाद केल्यामुळे हा संप पुकारल्याचे CNG Pump चालकांकाडून सांगण्यात आले आहे.
वसंत मोरेंनी निष्ठावंतांना डावललं, घरी मुलाखत घेत नियुक्ती, मनसेच्या माजी पदाधिकाऱ्याचा आरोप
२०२१ मध्ये परिपत्रक जारी केल्यानंतरही CNG डीलर्संनी फेअर ट्रेड मार्जिन जारी करण्याबाबत टोरंट कंपनीसोबत अनेक वेळा चर्चा केली. मात्र, कंपनीने कुठलेही पाऊल उचलले नाही. ज्यामुळे पुणे जिल्ह्यातील CNG वितरकांचे आजपर्यंत जवळपास ८ कोटींचे नुकसान झाले आहे. यासाठीच हे आंदोलन करण्यात येत असल्याचे पेट्रोल-डिझेल असोसिएशनचे अध्यक्ष ध्रुव रुपरेल यांनी सांगितलं आहे.
दरम्यान, OMCसह संबंधित सर्व प्राधिकरणांसह अनेक वेळा यासंदर्भात बैठका झाल्या आहेत. असं असतानाही, परिपत्रकानुसार डीलर्संना त्यांच्या मागणीला योग्य न्याय मिळू शकलेला नाही. आता जोपर्यंत यासंदर्भात निर्णय घेत नाहीत. तोपर्यंत हा संप सुरु राहणार असल्याचं CNG Pump चालकांकडून सांगण्यात आलं आहे.
पुणे जिल्ह्यातील टोरंट गॅसच्या डीलर्संनी २७ जानेवारी २०२३ पासून टोरंट CNGची अनिश्चित काळासाठी खरेदी आणि विक्री बंद करण्याचा निर्णय घेतला आहे. कारण डीलर्स सध्याच्या ट्रेड मार्जिनवर CNG विकण्यास तयार नाहीत. त्यामुळे पुणे ग्रामीण भागातील एकूण ४२ CNG Pump बेमुदत काळासाठी बंद राहणार आहेत. याचा फटका वाहतुकीवर पडणार असल्याने पुणेकरांच्या चिंतेत भर पडली आहे.
पृशी शॉचं नशिबंच फुटकं… संघात संधी का मिळणार नाही, हार्दिक पंड्याने स्पष्टच सांगितले…