रणबीर कपूरच्या डोक्यात हवा गेलीय, रागाच्या भरात चाहत्याचा फोन फेकला? व्हायरल VIDEO मागचं सत्य वाचाच

मुंबई: बॉलिवूड अभिनेत्री आणि अभिनेत्यांची क्रेझ काही वेगळीच असते. त्यांचे चाहते आवडत्या सेलिब्रिटीची एक झलक पाहण्यासाठी वाट्टेल ते करताना दिसतात. कुणी घरातून पळून मुंबईत येतो, तर कुणी त्यांचा पाठलाग करतो. आवडत्या सेलिब्रिटीला भेटल्यानंतर चाहते त्यांच्यासोबत फोटो, सेल्फी घेण्यासाठी उत्सुक असतात. पण अनेकदा सेलिब्रिटी त्यांना फोटो , सेल्फीसाठी नकार देतात. तर अनेकदा सेलिब्रिटी चाहत्यांसोबत उद्धटपणे वागताना दिसतात. असाच एक व्हिडिओ सध्या सोशल मीडियावर व्हायरल होतोय. हा व्हिडिओ आहे अभिनेता रणबीर कपूर याचा.

सोशल मीडियावर व्हायरल होणाऱ्या या व्हिडिओत रणबीर त्याच्या चाहत्यांसोबत दिसतोय. कॉलेजमध्ये जाणारी काही तरुण मुलं त्याच्या आजूबाजूला दिसयात. यात एक मुलगा त्याच्यासोबत सेल्फी घेत असतो. सेल्फी घेत असताना तो मुलगा अनेकदा मोबाईलमध्ये काही तरी सेटिंग्ज करत असतो आणि पुन्हा सेल्फी घेता, यामुळं रणबीर रागावतो आणि तो या मुलाचा मोबाईल हिसकावून घेतो आणि फेकतो.

रणबीरचा हा व्हिडिओ सोशल मीडियावर चांगलाच व्हायरल झालाय.या व्हिडिओ पाहून नेटकऱ्यांकडून वेगवेगळ्या प्रतिक्रिया येत आहेत. पण या व्हिडिओमागंच सत्य काही वेगळंच असल्याचं समोर आलं आहे. हा व्हिडिओ एका मोबाईल कंपनीच्या जाहिरातीमधला असल्याचं समोर आलं आहे. जाहिरातीचा हा व्हिडिओ नको त्या कॅप्शनसोबत व्हायरल होत असल्यानं नेटकऱ्यांमध्ये गैरसमज पसरवला जात आहे.

रणबीरच्या कामाबद्दल बोलायचं झालं तर लागोपाठ सिनेमे प्रदर्शित होणार असतील तर तो कलाकार नेहमीच चर्चेत असतो. सध्या असंच काहीसं झालंय रणबीरचं. लग्न, एक-दीड महिन्यांच्या अंतरावर प्रदर्शित झालेले दोन सिनेमे, वडील झाल्याची बातमी अशा सर्व कारणांनी तो चर्चेत आहे.