Tej Police Times
तरुणीसोबत प्रेमसंबंध, फोटो व्हायरल करण्याची धमकी देत तरुणाने औरंगाबादला नेलं, नंतर…
औरंगाबाद जिल्ह्यातील फुलंब्री तालुक्यातील निधोरा या गावातील किरण भाऊसाहेब कोलते याचे चाळीसगाव तालुक्यातील एका गावात राहणाऱ्या २१ वर्षे तरुणी सोबत प्रेम संबंध होते. १३ जानेवारी रोजी पहाटे साडेतीन वाजेच्या सुमारास किरण हा त्याच्या तीन मित्रांसोबत तरुणी राहत असलेल्या परिसरात आला. यादरम्यान किरण याने तरुणीला बोलावून तिच्यासोबत काढलेले फोटो व्हायरल करण्याची धमकी दिली. तसेच चाकूचा धाक दाखवत, तरुणीला मित्रांच्या मदतीने बळजबरीने कारने औरंगाबाद येथे नेले.
ठाकरेंसोबत नव्याने संसार थाटलेले आंबेडकर म्हणतात, तर मी भाजपसोबत युती करण्यास तयार…!
या ठिकाणी किरण याने त्याच्या घरी सलग दोन दिवस तरुणीवर बळजबरीने अत्याचार केले. त्यानंतर तरुणीला एकटीला औरंगाबाद शहरातील सिडको येथील बस स्टँडवर सोडून किरण निघून गेला. भेदरलेल्या अवस्थेत तरुणी तिच्या गावी पोहचली व त्यानंतर तिने या प्रकरणी पोलीस स्टेशनमध्ये तक्रार दिली. या तक्रारीवरून गुरुवारी किरण कोलते याच्यासह त्याच्या तीन मित्रांविरुद्ध मेहूणबारे पोलीस स्टेशनला गुन्हा दाखल करण्यात आला आहे. पुढील तपास पोलीस उपनिरीक्षक प्रकाश चव्हाण हे करत आहेत.
Ind vs NZ : न्यूझीलंडची धुलाई नक्की होणार; टीम इंडियाचे हे खेळाडू ठरतील विजयाचा एक्स फॅक्टर